ପାରଳାଖେମୁଣ୍ଡି,୯/୧୧- ଦକ୍ଷିଣାଞ୍ଚଳ ରାଜସ୍ୱ କମିଶନର ଶନିବାର ଦିନ ଗଜପତି ଜିଲ୍ଲା ଗସ୍ତ କରିଛନ୍ତି । ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା । ଜିଲ୍ଲା ପ୍ରଶାସନର ବିଭିନ୍ନ ବିଭାଗର ଉନ୍ନତି ମୂଳକ କାର୍ଯ୍ୟକ୍ରମ ଗୁଡ଼ିକ ସମୀକ୍ଷା କରିଥିଲେ । ଜିଲ୍ଲାରେ କରୋନା ଭାଇରସ ସଂକ୍ରମଣ ସ୍ଥିତି ସଂପୂର୍ଣ୍ଣ ହ୍ରାସ ପାଇବା ବିଷୟରେ ଆଲୋଚନା କରିଥିଲେ । ବିଶେଷକରି ପ୍ଲାଜମା ଦାନ ବିଷୟରେ ରକ୍ତ ସାମ୍ପୁଲ ସଂଗ୍ରହକୁ ତ୍ୱରାନ୍ୱିତ କରିବାପାଇଁ ଜିଲ୍ଲା ପ୍ରଶାସକଙ୍କୁ ପରାମର୍ଶ ଦେଇଥିଲେ । ପରେ ହର୍ଟିକଲଚୁରିଷ୍ଟ ପରୀକ୍ଷାର ପ୍ରାକ ସ୍ଥିତି ଅନୁଧ୍ୟାନ କରିବାପାଇଁ ମହାରାଜାଙ୍କ ବାଳକ ବିଦ୍ୟାଳୟକୁ ଯାଇଥିଲେ । ଏହି ସମସ୍ତ କାର୍ଯ୍ୟକ୍ରମକୁ ସଠିକ ଭାବରେ ପରିଚାଳନା ପାଇଁ ଜିଲ୍ଲା ପ୍ରଶାସନକୁ ଭୂୟସୀ ପ୍ରଶଂସା କରିଥିଲେ । ସମୀକ୍ଷା ବୈଠକ ତଥା ଅନୁଧ୍ୟାନରେ ଜିଲ୍ଲାପାଳ ଅନୁପମ ସାହାଙ୍କ ସହିତ ଉପ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା, ପ୍ରକଳ୍ପ ନିର୍ଦ୍ଦେଶକ ମହେଶ କୁମାର ଚୌଧୁରୀ, ଆଦିବାସୀ ଉନ୍ନୟନ ପ୍ରକଳ୍ପ ପ୍ରଶାସକ ସରୋଜ କୁମାର ବେହେରା ପ୍ରମୁଖ ଉପସ୍ଥିତ ଥିଲେ ।