ପାରଳାଖେମୁଣ୍ଡି,୨୫/୧:- ଗଜପତି ଜିଲ୍ଲା ପ୍ରଶାସନ ପାରଳାଖେମୁଣ୍ଡି ସହରର କାର୍ଟୁନିଷ୍ଟ ଏମ୍ ଶେଖର ରାଓ ଆନ୍ତଃର୍ଜାତିକ କାର୍ଟୁନ ଚିତ୍ର ପ୍ରତିଯୋଗିତାରେ ସଫଳ ପଦର୍ଶନ କରି ଦ୍ୱିତୀୟସ୍ଥାନ ଅଧିକାର କରିଥିବା ଜଣା ପଡିଛି । ଡିସେମ୍ବର ମାସରେ ୟୁରୋପର କ୍ରୋଏସିଆର ଜର୍ଗିବ ସହରରେ ଅନୁଷ୍ଠିତ ହୋଇଥିବା କାର୍ଟୁନ ପ୍ରଦର୍ଶନୀ ତାଙ୍କର ପଦର୍ଶିତ କାର୍ଟୁନ ବେଶ ଆକର୍ଷଣୀୟ ହୋଇଥିବାବେଳେ ସେ ଦ୍ୱିତୀୟ ସ୍ଥାନ ଅଧିକାର କରିଛନ୍ତି । ଏହି ପ୍ରତିଯୋଗିତାରେ ମୋଟ ୨୧୧ ଜଣ କାର୍ଟୁନିଷ୍ଟ ଯୋଗ ଦେଇଥିଲେ ।
ସେମାନଙ୍କ ମଧ୍ୟରେ ଏମ୍ ଶେଖର ରାଓ ଦ୍ୱିତୀୟ ସ୍ଥାନ ଅଧିକାର କରି ଜିଲ୍ଲା ରାଜ୍ୟ ଓ ଦେଶ ପାଇଁ ଗୌରବ ଆଣିଛନ୍ତି । ସେ ପୂର୍ବରୁ ମଧ୍ୟ ରାଜ୍ୟ, ଜାତୀୟ ଏବଂ ଆନ୍ତର୍ଜାତୀୟ ସ୍ତରରେ ବହୁ କାର୍ଟୁନ ପ୍ରଦର୍ଶନୀରେ ଯୋଗଦେଇ ସଫଳତା ହାସଲ କରିଛନ୍ତି । ଏହି ସଫଳତା ପାଇଁ ତାଙ୍କୁ ବିଭିନ୍ନ ମହଲରୁ ସ୍ୱାଗତ କରିବାସହ ପ୍ରଶଂସା କରାଯାଇଛି । ସେ ବର୍ତ୍ତମାନ ଓଡ଼ିଶା ରାଜ୍ୟ କାର୍ଟୁନିଷ୍ଟ ସଂଘର କାର୍ଯ୍ୟନିର୍ବାହୀ ସଦସ୍ୟ ଭାବେ ଗଜପତି ଜିଲ୍ଲାରୁ ପ୍ରତିନିଧିତ୍ୱ କରୁଛନ୍ତି ।