ପାରଳାଖେମୁଣ୍ଡି,୧୧/୯- ସ୍ଥାନୀୟ ମହେନ୍ଦ୍ରଗିରି ପୌର ସରକାରୀ ଉଚ୍ଚ଼ ବିଦ୍ୟାଳୟ ଠାରେ ଏକ ବର୍ଣ୍ଣାଢ଼୍ୟ ପରିବେଶରେ ଦିବଙ୍ଗତ ଶିକ୍ଷକ ଓ ପୁରାତନ ଛାତ୍ରଙ୍କୁ ସ୍ମୃତି ସୌରଭ ସମ୍ବର୍ଦ୍ଧନା ଦିଆଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ପୂର୍ଣ୍ଣଚନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମ୍ବର୍ଦ୍ଧନା ଉତ୍ସବରେ ବିଦ୍ୟାଳୟର ପୁରାତନ ଛାତ୍ର ସାହିତ୍ୟ ଏକାଡେମୀ ସଦସ୍ୟ ବିଚିତ୍ରାନନ୍ଦ ବେବର୍ତ୍ତା, ସମାଜସେବୀ ଭାଗବତ ପାଢ଼ୀ କାର୍ଯ୍ୟକ୍ରମକୁ ପରିଚାଳନା କରିଥିଲେ । ପୁରାତନ ଛାତ୍ର ମହେଶ ପାଢ଼ୀ ବିଦ୍ୟାଳୟକୁ କିଛି ଅନୁଦାନ ଦେବାବେଳେ, ପୁରାତନ ଛାତ୍ର କିଶୋର ପଟ୍ଟନାୟଙ୍କ ବିଦ୍ୟାଳୟର ପ୍ରଗତି ପାଇଁ ଏକ୍ ଲକ୍ଷ ଟଙ୍କାର ଏକ ଚେକ୍ ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ରାମଶଙ୍କର ଗନ୍ତାୟତ, ୱାଇ ଶିବା, ରଜନୀ ଉଦ୍ଗତା, ଡ. ଲକ୍ଷ୍ମୀ ନାରାୟଣ ହୋତା, ନରେଶ ମହାପାତ୍ର, ସତ୍ୟନାରାୟଣ ମହାରଣା, ରୁପେଶ ପାତ୍ର, ଲିଙ୍ଗରାଜ ଦାଶ, ସରୋଜ ପାତ୍ର, ଲିମେଇ ପାତ୍ର, ମାଳିକାର୍ଜୁନ ପଟ୍ଟନାୟକ, ଲଳିତ ନାୟକ, ଶୁଭଲକ୍ଷ୍ମୀ ଦାସ, ସୁଜାତା ନନ୍ଦ ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ସଫଳ କରିଥିଲେ ।