ଗଣିଆ,୩୦/୬- ନୟାଗଡ ଜିଲ୍ଲା ଗଣିଆ ବ୍ଲକ ଅନ୍ତର୍ଗତ ତିନୋଟି ପଞ୍ଚାୟତ ରୁ ତିନୋଟି ସ୍କୁଲରୁ ୩ ଜଣ ଶିକ୍ଷକ ଗୋଟାଏ ଦିନରେ ଏକା ସାଙ୍ଗରେ ଅବସର ଗ୍ରହଣ କରିଛନ୍ତି । ସୂଚନା ଅନୁଯାୟୀ କିଶ୍ୱର ପ୍ରସାଦ ପଞ୍ଚାୟତର ଜନତା ଏମଇ ସ୍କୁଲ କିଶ୍ୱରପ୍ରସଦରୁ ଲକ୍ଷ୍ମଣ ବେହେରା, ରାସଙ୍ଗ ଗ୍ରାମ ପଞ୍ଚାୟତର ଦୁଇଟି ସ୍କୁଲ ମଧ୍ୟରୁ ରାସଙ୍ଗ ଗ୍ରାମରେ ଥିବା ସରକାରୀ ପ୍ରାଥମିକ ବିଦ୍ୟାଳୟରୁ ମଧୁସୂଦନ ରଣା ଅବସର ଗ୍ରହଣ କରିଥିବା ବେଳେ ଓସ୍ତିଆ ଗ୍ରାମର ଡଙ୍କରିସାହି ‘ କ ‘ ପ୍ରାଥମିକ ବିଦ୍ୟାଳୟରୁ ଅବସର ଗ୍ରହଣ କରିଥିବା ଶ୍ୟାମ ସୁନ୍ଦର ପୃଷ୍ଟିଙ୍କ ୧୩ ବର୍ଷର ଶିକ୍ଷକତା ସମୟରୁ ଏହି ସ୍କୁଲ ୮ ବର୍ଷ ଅତିବାହିତ କରିଥିବା ସୂଚନା ମିଳିଛି । ଶିକ୍ଷକତା ଜୀବନ ୨୦୦୮ ମସିହା ଅଗଷ୍ଟ ୮ତାରିଖରୁ ଆରମ୍ଭ କରି ୨୦୨୧ ମସିହା ମାସ ୩୦ ତାରିଖରେ ସମାପ୍ତ ହୋଇଥିଲା । ଏ ନେଇ ଓସ୍ତିଆ ଗ୍ରାମବାସୀ ନିଆରା ଢଙ୍ଗରେ ଅବସରପ୍ରାପ୍ତ ଶିକ୍ଷକଙ୍କୁ ଏକ ବୈଠକ ମାଧ୍ୟମରେ ସ୍ୱାଗତଯୋଗ୍ୟ ଅଭିଭାଷଣ ସହ ଉପଢୌକନ, ନୂତନ ପୋଷାକ, ନିତ୍ୟ ବ୍ୟବହାର କିଛି ସାମଗ୍ରୀ ପ୍ରଦାନ କରିଥିଲେ ।
ବୈଠକରେ ମୁଖ୍ୟ ଅତିଥି ଭାବେ ଓସ୍ତିଆ ଗ୍ରାମର ସଭାପତି ତଥା ପୂର୍ବତନ ବ୍ଲକ ଅଧକ୍ଷ ଶ୍ରୀଯୁକ୍ତ ଅନ୍ତର୍ଯ୍ୟାମୀ ମିଶ୍ର ,ଗ୍ରାମର ଉପଦେଷ୍ଟା କୁଳମଣି ସେଠୀ,ସ୍କୁଲ କମିଟିରେ ଥିବା ସଦସ୍ୟ ସହିତ ଓସ୍ତିଆ ଗ୍ରାମ କ୍ଲବ୍ର ସଦସ୍ୟ ସହିତ ଉପ ସଭାପତି ଅଖିଳ କୁମାର ସାହୁ, ସଂପାଦକ ଶୁଭାଶିଷ ମିଶ୍ର ମଞ୍ଚ ପରିଚାଳନା କରିଥିଲେ । ଗଣିଆ ବ୍ଲକର ବିଭିନ୍ନ ସ୍କୁଲ ରୁ ୮ଜଣ ସହଯୋଗୀ ଶିକ୍ଷକ ବୈଠକରେ ଉପସ୍ଥିତ ଥିଲେ । ବୈଠକରେ ଶିକ୍ଷକ ଜୀବନୀ ସହିତ ପିଲାମାନଙ୍କ ଭବିଷ୍ୟତ ବିଷୟରେ ଆଲୋଚନା କରାଯାଇ ତାଙ୍କର ଆଗାମୀ ଜୀବନ ସୁଖମୟ ହେଉ ବୋଲି ସମସ୍ତେ ଈଶ୍ୱର ଙ୍କ ନିକଟରେ କାମନା କରିଥିଲେ ।