ବୌଦ୍ଧ -ଆଜି ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଖୁଣ୍ଟବନ୍ଧ ଗ୍ରାମର ଗ୍ରାମରକ୍ଷୀ ଗୌର ମହାନନ୍ଦିଆଙ୍କ ଘରୁ ୨ଟି ବସ୍ତାରେ ଥିବା ୨୫ କିଲୋଗ୍ରାମ ଓଜନର ଗଂଜେଇ ଜବତ କରାଯାଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ କୌଣସି ସୂତ୍ରରୁ ଖବର ପାଇ ଜିଲ୍ଲାପାଳ ଲଲାଟେନ୍ଦୁ ମିଶ୍ରଙ୍କ ନିର୍ଦ୍ଦେଶ କ୍ରମେ ଓ ଅବକାରୀ ଅଧୀକ୍ଷକ ଡ. ଶାନ୍ତନୁ ଦାସଙ୍କ ତତ୍ୱାବଧାନରେ ଆଜି ସକାଳେ ଇନ୍ସପେକ୍ଟର ବିଜୟ କୁମାର ଧରୁଆଙ୍କ ନେତୃତ୍ବରେ ଖୁଣ୍ଟ ବନ୍ଧ ଗ୍ରାମରକ୍ଷୀ ଗୌର ମହାନନ୍ଦିଆଙ୍କ ଘରେ ଚଢାଉ କରାଯାଇଥିଲା | ୨୬ କିଲୋଗ୍ରାମ ଓଜନର ଗଂଜେଇ ସହିତ ଗ୍ରାମରକ୍ଷୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଜଣାପଡିଛି l ଚଢାଉରେ ଅନ୍ୟମାନଙ୍କ ମଧ୍ୟରେ ଅବକାରୀ ଏ.ଏସ.ଆଈ. ରୁପେଶ ମୁଖି, କନେଷ୍ଟବଳ ଅଞ୍ଜଳି ଅମାତ୍, କୈଳାଶ ସାହୁ, ଲୋକନାଥ ଭୋଇ ଓ ଶେଖ ଅବୁତାହାର୍ ସହାୟତା କରିଥିଲେ |