ବୌଦ୍ଧ -କଣ୍ଟାମାଳ ବ୍ଲକ୍ ଝିଙ୍କରପାଲି ଗ୍ରାମରେ ଜଣେ ବୃଦ୍ଧ ଗ୍ରାମ ନିକଟ ନାଳ କୁ ଗଧୋଇବାକୁ ଯାଇ ପାଣିରେ ବୁଡି ମୃତ୍ୟୁବରଣ କରିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଝିଙ୍କର କଣ୍ଟାମାଳ ଥାନା ଝିଙ୍କର ପାଲି ଗ୍ରାମର ତହସିଲ ସୁନା ଆଜି ସକାଳେ ଗାଆଁ ନିକଟ ନାଳକୁ ଗାଧୋଇବାକୁ ଯାଇଥିଲେ l ବହୁ ସମୟ ଧରି ଘରକୁ ନ ଫେରିବାରୁ ପରିବାର ଲୋକ ଖୋଜିବାକୁ ଯାଇଥିଲେ l ନାଳ ନିକଟରେ ବୃଦ୍ଧଙ୍କ ଚପଲ ଓ ଗାମୁଛା ପଡିଥିବା ଦେଖିବାକୁ ମିଳିଥିଲା l ସେ ପାଣିରେ ବୁଡି ଯାଇଥିବା ସନ୍ଦେହ କରି ଖୋଜା ଖୋଜି କରିଥିଲେ ମଧ୍ୟ ତାଙ୍କର କୌଣସି ସନ୍ଧାନ ମିଳିନଥିଲା l କଣ୍ଟାମାଳ ଦମକଳ ବାହିନୀ ଖବର ପାଇ ଘଟଣା ସ୍ଥଳରେ ପହଂଚି ତଳ ମୁଣ୍ଡରେ ଖୋଜାଖୋଜି କରିବା ପରେ ପାଣି ମଧ୍ୟରୁ ତାଙ୍କୁ ଉଦ୍ଧାର କରି କଣ୍ଟାମାଳ ଡାକ୍ତରଖାନାକୁ ନେଇଥିଲେ | ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ |