ହରଭଙ୍ଗା,୨୮/୫:- ବୌଦ୍ଧ ଓ କନ୍ଧମାଳ ଜିଲ୍ଲାର ସୀମାନ୍ତ ଅଞ୍ଚଳକୁ ଗ୍ରୀନ ଡାଇମଣ୍ଡ ବା ଗଂଜେଇକୁ ଭୂ-ସ୍ୱର୍ଗ କୁହାଯାଉଥିବା ବେଳେ ଶନିବାର ଏହି ସ୍ଥାନରୁ ଗଂଜେଇ ଚୋରାଚାଲାଣ କରୁଥିବା ୪ଜଣ ଗଞ୍ଜେଇ ମାଫିଆଙ୍କୁ ହରଭଙ୍ଗା ପୋଲିସ ଗିରଫକରି କୋର୍ଟଚାଲାଣ କରୁଥିବା ଜଣାପଡିଛି । ସୂଚନାମତେ ହରଭଙ୍ଗା ବ୍ଲକ ଚାରିଛକ -କୁଶଙ୍ଗ ପୂର୍ତ୍ତବିଭାଗ ରାସ୍ତା ମହାନଦୀ ବନ୍ୟପ୍ରାଣୀ ଅଞ୍ଚଳ ଦେଇ ଚୋରାଚାଲାଣ ଚୋରାଚାଲାଣ ହେଉଥିବା ନେଇ ବିଶେଷ ସୂତ୍ରରୁ ଖବରପାଇ ହରଭଙ୍ଗା ପୋଲିସ ଶନିବାର ମଧ୍ୟାହ୍ନ ସମୟରେ ଅଯୋଧ୍ୟା ଛକରେ ଜଗି ବସିଥିଲା । ଏହି ସମୟରେ ଦୁଇଟି ବାଇକ(ଓଡି ୨୫ଡି୩୧୬୯)ଗ୍ଲାମର ଓ (ଓଡି୩୫ବି୦୮୬୨)ଡିଲକ୍ସ ଗାଡି ଆଗପଛ ହୋଇ ଯାଉଥିବା ବେଳେ ସନ୍ଦେହରେ ଗାଡି ଦୁଇଟିକୁ ଅଟକାଇ ଯାଞ୍ଚ କରିବାରୁ ଗାଡିର ଡ଼ିକି ଓ ସିଟ ତଳୁ ଗଞ୍ଜେଇ ରହିଥିବା ଦେଖିବାକୁ ମିଳିଥିଲା । ଫଳରେ ପୁଲିସ ଗଞ୍ଜେଇ ସହ ବାଇକ ଦୁଇଟି ଏବଂ ବାଇକରେ ଥିବା ନୟାଗଡ ଜିଲ୍ଲାର ଶ୍ରୀକାନ୍ତ ନାଏକ (୨୬),ବାଙ୍କ ଝୁଲି, ଚାନ୍ଦିନୀ ନାଏକ (୪୫)ଲୁଇଁସିଙ୍ଗା, ତିଲୋତ୍ତମା ନାଏକ (୩୨) ଲୁଇଁସିଙ୍ଗା, ବୌଦ୍ଧ ଜିଲ୍ଲାର ପ୍ରମିଳ ବେହେରା (୧୯)ଗେରେଡି ସାହି ଙ୍କୁ ଗିରଫ କରିଛି । ଗଞ୍ଜେଇ ଓଜନ କରିବାରୁ ୧୨କିଲୋଗ୍ରାମ ହୋଇଥିବା ବେଳେ ମାଫିଆଙ୍କୁ ୬୭-୨୭/୦୫/୨୩,୨୦(ବି) ବିଏନଡିପିଏସ୍ ଆକ୍ଟରେ କେଶ ରୁଜୁ କରି କୋର୍ଟ ଚାଲାଣ କରିଥିବା ନେଇ ଥାନା ଅଧିକାରୀ ପୁଷ୍ପାଞ୍ଜଳି ରାଉତରାଏ ସୂଚନା ଦେଇଛନ୍ତି । ଏହି ଯାଞ୍ଚ ସମୟରେ ଆଇଆଇସି ପୁଷ୍ପାଞ୍ଜଳି ରାଉତରାଏ, ଓଆଇସି ପୂର୍ଣ୍ଣଚନ୍ଦ୍ର କିଷାନ ଏବଂ ଆଇଆରବି ଟିମ ଉପସ୍ଥିତ ରହିଥିଲେ ।