ହରଭଙ୍ଗା,୧୨/୮:- ମହାନଦୀ ବନ୍ୟପ୍ରାଣୀ ବନାଞ୍ଚଳ କୁଶଙ୍ଗ ତରଫରୁ ଆଜି ବିଶ୍ୱ ହସ୍ତୀ ଦିବସ ପାଳିତ ରେଞ୍ଜ ଅଫିସ ପରିସରରେ ରେଞ୍ଜ ଅଧିକାରୀ ଲକ୍ଷ୍ମୀନାରାୟଣ ପଣ୍ଡାଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଉକ୍ତ ଦିବସ ଅବସରରେ ମହାନଦୀ ବନ୍ୟପ୍ରାଣୀ କୁଶଙ୍ଗ ରେଞ୍ଜର ଏଗାର ବିଟର ଫରେଷ୍ଟର, ଫରେଷ୍ଟ ଗାର୍ଡଙ୍କ ସମେତ ସ୍କ୍ୱାର୍ଡ ଟିମ ଉପସ୍ଥିତ ରହି ହାତୀ ସୁରକ୍ଷା ଉପରେ ସଚେତନତା ବାର୍ତ୍ତା ପ୍ରଚାର ଓ ପ୍ରସାର ଦିଗରେ ଶପଥ ପାଠ କରିଥିଲେ । ଅନ୍ୟପଟେ ଆଜାଦି କା ଅମୃତ ମହୋତ୍ସବ କୁଶଙ୍ଗ ରେଞ୍ଜ ଫରେଷ୍ଟରଙ୍କ ତତ୍ତ୍ୱ୍ୱାବଧାନରେ ମହାଲିକପଡା ପଞ୍ଚାୟତ ପରିସରରେ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଫରେଷ୍ଟର ପ୍ରଶାନ୍ତ ଗୁରୁଙ୍କ ସମେତ ମହାଲିକପଡ଼ା ସରପଞ୍ଚ ମାମୁନି ବାଘ ଓ ରେଞ୍ଜ ସମସ୍ତ କର୍ମଚାରୀ ମିଳିତ ହୋଇ ପଞ୍ଚାୟତ ପରିସରରେ ଶାଗୁଆନ, ଶିଶୁ, ଲିମ୍ବ ଗଛ ଲଗାଇଥିଲେ ।