ହରଭଙ୍ଗା,୧୮/୧୧:- ରାଜ୍ୟ ସରକାରଙ୍କ ପଶ୍ଚିମ ଓଡିଶାକୁ ବୈମାତୃକ ମନୋଭାବ, ପଶ୍ଚିମ ଓଡିଶା ଭାଷାକୁ ଅବମାନନା, ପଶ୍ଚିମ ଓଡିଶାକୁ ସବୁ କ୍ଷେତ୍ରରେ ଅବହେଳାକୁ ନେଇ ଆଜି କୋଶଲ ମହାବନ୍ଦରେ ବୌଦ୍ଧ ଜିଲ୍ଲା ସାମିଲ ଥିବା ବେଳେ ଜିଲ୍ଲାର ହରଭଙ୍ଗା ବ୍ଲକରେ ଏହାର ଆଂଶିକ ପ୍ରଭାବ ଦେଖିବାକୁ ମିଳିଛି । କୋଶଲ ସେନା ପକ୍ଷରୁ ଏହି ମହାବନ୍ଦରେ ଜିଲ୍ଲାର ସୀମାନ୍ତ ମାଧପୁର ଠାରେ ୫୭ନଂ ଜାତୀୟ ରାଜପଥ ଓ ଫୁଲବାଣୀ ରାସ୍ତା,ଏବଂ ଜଗନ୍ନାଥ ସଡକ ଧଳପୁର ଛକ ଠାରେ କାଠଗଡା ଓ ଟାୟାର ଜାଳି ସକାଳ ୬ଘଣ୍ଟା ସମୟରେ ରାସ୍ତା ରୋକ ହୋଇଥିଲା । ଏହି ରାସ୍ତାରୋକରେ ଶହଶହ ଗାଡି ମଟର ଅଟକି ରହିଥିବାବେଳେ ଯାତ୍ରୀମାନେ ଅସୁବିଧାର ସମ୍ମୁଖୀନ ହୋଇଥିଲେ । ଦୋକାନ ବଜାର କିନ୍ତୁୁ ସ୍ୱାଭାବିକ ରହିଥିଲା । ଦିନ ୨ଟା ପରେ ପର୍ଯ୍ୟନ୍ତ ଏହି ମହାବନ୍ଦ ପ୍ରଭାବ ଥିବାବେଳେ ପରେ ପରେ ଗାଡି ମଟର ଚଳାଚଳ ସ୍ୱାଭାବିକ ହୋଇଥିଲା ।