ବୌଦ୍ଧ – ଗତ କିଛି ଦିନ ହେଲା ବୌଦ୍ଧ ଜିଲ୍ଲାରେ କରୋନା ପଜିଟିଭ ସଂଖ୍ୟା ବୃଦ୍ଧି ପାଇବାରେ ଲାଗିଛି l ଗତକାଲି 8 ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଆଜି ପୁଣି ଆଉ ଜଣେ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି l ଆଜିର ପଜିଟିଭକୁ ମିଶାଇ ଜିଲ୍ଲାରେ ମୋଟ୍ ପଜିଟିଭ ସଂଖ୍ୟା 132 ରେ ପହଞ୍ଚିଛି l
ଆଜି ବୌଦ୍ଧ ଜିଲ୍ଲାର ଗୋଟିଏ କରୋନା ପଜିଟିଭ ବାହାରିଥିବା ସରକାର କହୁଥିଲେ ମଧ୍ୟ ବୌଦ୍ଧ ପ୍ରଶାସନ ନିକଟରେ କୌଣସି ସୂଚନା ନଥିବାରୁ ଆକ୍ରାନ୍ତଙ୍କ ସମ୍ପର୍କରେ କୌଣସି ସୂଚନା ମିଳି ପାରିନାହିଁ l ଆଜିର ଆକ୍ରାନ୍ତ ଜଣକ ବୌଦ୍ଧ ଜିଲ୍ଲାର ଅଧିବାସୀ ହୋଇ ଥାଇପାରନ୍ତି ମାତ୍ର ଆମ ଜିଲ୍ଲାରୁ ତାଙ୍କର ସ୍ବାବ ନମୂନା ସଂଗ୍ରହ କରାଯାଇନାହିଁ l ସେ ଅନ୍ୟ କୋଉଠି ପରିକ୍ଷା କରି ଥାଇପାରନ୍ତି ଓ ସେ ସମ୍ପର୍କରେ ଆମ ନିକଟରେ କୌଣସି ତଥ୍ୟ ନାହିଁ ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ କହିଛନ୍ତି l ଆମେ ନୂତନ ଆକ୍ରାନ୍ତଙ୍କ ସମ୍ପର୍କରେ ସୂଚନା ସଂଗ୍ରହ କରିବାକୁ ଚେଷ୍ଟା କରୁଛୁ ବୋଲି ସେ କହିଥିଲେ l