ବୌଦ୍ଧ – କଣ୍ଟାମାଳ ବ୍ଲକ୍ ଦପଲା ଗ୍ରାମ ପଂଚାୟତର ବଉଳସିଙ୍ଗା ଗ୍ରାମରେ କରୋନା ପଜିଟିଭ ଚିହ୍ନଟ ହୋଇଥିବା ସୂଚନା ପାଇବା ପରେ ଦପଲା ସରପଞ୍ଚ ସରୋଜିନୀ ଝାଂକର ଗ୍ରାମକୁ କଣ୍ଟେନମେଣ୍ଟ ଜୋନ ଭାବରେ ଘୋଷଣା କରିଛନ୍ତି | ସରପଞ୍ଚ ମାନଙ୍କୁ ସରକାର ଦେଇଥିବା ଜିଲ୍ଲାପାଳ କ୍ଷମତା ବଳରେ ସରପଞ୍ଚ ଆଜି ସକାଳ ୭ ଘଣ୍ଟା ଠାରୁ ୪ ତାରିଖର ମଧ୍ୟରାତ୍ରୀ ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି | ବଉଳସିଙ୍ଗା ଗ୍ରାମ ଓ ତତସଂଲଗ୍ନ ୫୦୦ ମିଟର୍ ପରିଧି ଅଞ୍ଚଳ ମଧ୍ୟରେ ସମସ୍ତ ସରକାରୀ କାର୍ଯ୍ୟାଳୟ ଓ ଦୋକାନ ବଜାର ସମ୍ପୂର୍ଣ୍ଣ ବନ୍ଦ ରହିବ | ଉକ୍ତ ସମୟ ମଧ୍ୟରେ କେହି ଘରୁ ନ ବାହାରିବାକୁ ଓ ଏକତ୍ର ନ ହେବାକୁ କୁହାଯାଇଛି | ଯେଉଁ ମାନେ ଆଦେଶର ଉଲ୍ଲଙ୍ଘନ କରିବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସରପଞ୍ଚ ଚେତାବନୀ ଦେଇଛନ୍ତି l