ଜଗତସିଂହପୁର,୧୦/୬- ଜଗତସିଂହପୁର ବ୍ଲକ ଅଧିନସ୍ଥ ଓଡିଶୋ ପଞ୍ଚାୟତ ପାଣିଛତ୍ର ପଡିଆ ନଳିନୀବାଳା ବାଳିକା ଉଚ୍ଚ ବିଦ୍ୟାଳୟ ପରିସରରେ ମୋ ପରିବାର ପକ୍ଷରୁ ଜୀବନ ବିନ୍ଦୁ କାର୍ଯ୍ୟକ୍ରମ ଆୟୋଜିତ ହେବା ସହିତ ମାସ୍କ ଓ ସାନିଟାଇଜର ବଣ୍ଟନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜଗତସିଂହପୁର ବିଧାୟକ ପ୍ରଶାନ୍ତ କୁମାର ମୁଦୁଲି ଯୋଗଦେଇ ରକ୍ତଦାନ ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ।
କାର୍ଯ୍ୟକ୍ରମରେ କୃଷକ ମୋର୍ଚ୍ଚାର ସଭାପତି ପ୍ରକାଶ ବସ୍ତିଆ, ବୀରେନ୍ଦ୍ର ବିଶ୍ୱାଳ, ବ୍ଲକ ଅଧ୍ୟକ୍ଷା ବିଜୟଲକ୍ଷ୍ମୀ, ବେହେରା, ଜଗତସିଂହପୁର ବ୍ଲକ ସଭାପତି ମନୋଜ ଭୋଇ, ଉପାଧ୍ୟକ୍ଷ ପ୍ରସନ୍ନ କୁମାର ମହାନ୍ତି, ବିଜେଡି ନଗର ସଭାପତି ପ୍ରିୟବ୍ରତ ମହାପାତ୍ର, ପୂର୍ବତନ ଚେୟାରମ୍ୟାନ ମଧୁସୂଦନ ସାହୁ, ଆଇଟି ସଂଯୋଜକ ରତି ରଞ୍ଜନ ବେହେରା, ଆଇନିଜୀବୀ ସରୋଜ ବିଶ୍ୱାଳ, ଓଡ଼ିଶୋ ପଞ୍ଚାୟତର ବିଜେଡି ସଭାପତି ବିନାୟକ ପ୍ରସାଦ ଲେଙ୍କା ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ଏହି ରକ୍ତଦାନ ଶିବିରରେ ମୋଟ ୪୫ୟୁନିଟ ରକ୍ତ ସଂଗ୍ରହ କରାଯାଇଥିଲା ।