ବାଲିଗୁଡ଼ା: ଲଭ୍ ସେକ୍ସ୍ ଧୋକା । ପ୍ରଥମେ ପ୍ରେମ,ପରେ ଶାରୀରିକ ସମ୍ପର୍କ ତା ପରେ ଗର୍ଭପାତ ଏବଂ ପ୍ରତାରଣା । କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ଅଞ୍ଚଳରେ ଘଟିଛି ଏଭଳି ଲଜ୍ଜାଜନକ ଘଟଣା । ସୂଚନା ପ୍ରକାରେ ଦାରିଙ୍ଗବାଡ଼ି ଥାନା ଗ୍ରୀନ୍ ବାଡ଼ି ଅଞ୍ଚଳର ଆକାଶ ପ୍ରଧାନ ନାମକ ଜଣେ ବିବାହିତ ଯୁବକର ସୁଗାନକେତା ଅଞ୍ଚଳର ଜଣେ ଯୁବତୀ ସହ ଦୀର୍ଘ ସାତ ବର୍ଷରୁ ଉର୍ଦ୍ଧ୍ବ ହେବ ପ୍ରେମ ସମ୍ପର୍କ ଥିଲା । ବିବାହର ପ୍ରଲୋଭନ ଦେଖାଇବାସହ ଆକାଶ ସମ୍ପୃକ୍ତ ଯୁବତୀଙ୍କ ସହ ଶାରୀରିକ ସମ୍ପର୍କ ମଧ୍ୟ ରଖିଥିଲା । ଯୁବତୀ ଜଣକ ଅନ୍ତସତ୍ବା ହେବାପରେ ଉଭୟଙ୍କ ମଧ୍ୟରେ ମନମାଳିନ୍ୟ ହୋଇଥିଲା ଏବଂ ପରେ ଶ୍ରାନିକେତାର ଅଶୋକ ସାହୁ ନାମକ ଜଣେ ବ୍ୟକ୍ତିଙ୍କ ଦ୍ବାରା ଗର୍ଭ ନଷ୍ଟ କରାଇଥିଲା ଆକାଶ । ସମ୍ପୃକ୍ତ ଯୁବତୀଙ୍କୁ ଆକାଶ ବିବାହ କରିବାପାଇଁ ମନା କରିବାପରେ ନ୍ୟାୟ ପାଇଁ ଦାରିଙ୍ଗବାଡ଼ି ଥାନାର ଦ୍ବାରସ୍ଥ ହୋଇଛନ୍ତି ସମ୍ପୃକ୍ତ ମହିଳା ଜଣକ । ଅଭିଯୋଗ ପ୍ରକାରେ ଦାରିଙ୍ଗବାଡ଼ି ପୋଲିସ୍ ଘଟଣାର ତଦନ୍ତ କରି ଆକାଶ ପ୍ରଧାନ ଓ ଗର୍ଭ ନଷ୍ଟ କରାଇଥିବା ବ୍ୟକ୍ତି ଅଶୋକ ସାହୁକୁ ଗିରଫ କରି କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ଦାରିଙ୍ଗବାଡ଼ି ଥାନା ଅଧିକାରୀ କୌଶିକ ମାଝୀ ।