କନ୍ଧମାଳ :କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ବ୍ଲକ୍ ବାହାଲ ପଦା ଗ୍ରାମରେ ସାପ କାମୁଡାରେ ଜଣେ ମହିଳାଙ୍କ ମୃତ୍ୟୁ ହୋଇଛି। ସୂଚନା ଅନୁସାରେ, ରାତିରେ ବାହାଲପଦା ସାହିର ଉଷାବତୀ ଘଡେଇ ୪୧ ସ୍ୱାମୀ ଅନାମ ଘଡେଇ ରାତିରେ ଶୋଇଥିବା ଅବସ୍ଥାରେ ଏକ ସାପ କାମୁଡ଼ି ଦେଇଥିଲା। ସେ ପାଟିକରିବାରୁ ପରିବାର ଲୋକେ ଉଠିଦେଖିଥିଲେ ସଙ୍ଗେ ସଙ୍ଗେ ତୁମୁଡିବନ୍ଧ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ ସେଠାରେ ଡାକ୍ତର ବାଲିଗୁଡ଼ା ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ରକୁ ପଠେଇଥିଲେ । ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏନେଇ ଉଷାବତୀଙ୍କ ପୁତୁରା କାହ୍ନୁ ଚରଣ ଘଡେଇ ତୁମୁଡ଼ିବନ୍ଧ ଥାନାରେ ଅଭିଯୋଗ କରିଥିଲେ ।ପୋଲିସ ପହଞ୍ଚି ତଦନ୍ତ କରି ଏକ ଅପମୃତ୍ୟୁ ମାମଲା ରୁଜୁ କରି ବାଲିଗୁଡ଼ା ମେଡ଼ିକାଲରେ ଶବ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯାଇଥିଲା ।ବାଲିଗୁଡ଼ା ବିଧାୟକ ଚକ୍ରମାଣି କହଁର, ତୁମୁଡ଼ିବନ୍ଧ ସାଂସଦ ପ୍ରତିନିଧି ପ୍ରମୋଦ ସାହୁ ପରିବାରଙ୍କୁ ସରକାର ପକ୍ଷରୁ ତୁରନ୍ତ ସହଯୋଗ ମିଳିବ ଏନେଇ ଆଲୋଚନା କରି ଶବ ସତ୍କାର ପାଇଁ ମଧ୍ୟ ସହଯୋଗ କରିଥିଲେ ।