କ.ନୂଆଗାଁ-କନ୍ଧମାଳ ଜିଲ୍ଲା କ.ନୂଆଗାଁ ଥାନା ରାମେଶ୍ୱର ମନ୍ଦିର ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି । ଆର୍.କେ.ଡି ଠିକା ସଂସ୍ଥାର OR02BA3165ନମ୍ବର ବିଶିଷ୍ଟ ଏକ ବାଲି ବୋଝେଇ ହାଇୱା ଧକ୍କାରେ ଯୁବକଙ୍କ ମୃତ୍ୟୁ ଘଟିଛି ।ମୃତକ କ.ନୂଆଗାଁ ପୁରୁଣା ସାହିର ଦିଲ୍ଲୀପ ବିଷୋୟୀ(୨୭) ପିତା-ସୁଧୀର ବିଷୋୟୀ । ଦିଲ୍ଲୀପ ନିକଟସ୍ଥ ଗ୍ରାହିବାଲି ନଦୀରୁ ଗାଧୋଇ ଘରକୁ ଫେରୁଥିବା ବେଳେ ହାଇୱା ଧକ୍କାରେ ମୃତ ହୋଇଥିଲା ।ଯୁବକଙ୍କ ମୃତ୍ୟୁ ପରେ ଘଟଣା ସ୍ଥୁଳରେ ଉତ୍ତେଜନା ଦେଖାଦେଇଛି । ମୃତକ ଦିଲ୍ଲୀପ ପରିବାରରେ ଏକମାତ୍ର ରୋଜଗାରିଆ ପୂଅ ଥିଲେ ।ଏଣୁ ମୃତକଙ୍କ ପରିବାରକୁ ୫୦ଲକ୍ଷ ଟଙ୍କାର କ୍ଷତିପୂରଣ ଦାବିରେ ସଂପର୍କୀୟ ଏବଂ ଅଂଚଳବାସୀଙ୍କ ତରଫରୁ ରାସ୍ତାରୋକ୍ କରାଯାଇଛି । ଘଟଣା ସ୍ଥଳରେ କ.ନୂଆଗାଁ ପୋଲିସ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି ।ରାସ୍ତାରୋକ ଯୋଗୁଁ ଉଭୟ ପାଶ୍ୱର୍ରେ ଅନେକ ଯାନବାହନ ଅଟକ ରହିଛି ।