ବାଲିଗୁଡ଼ା,୨୭/୯: କନ୍ଧମାଳ ଜିଲ୍ଲା କ.ନୂଆଗାଁଠାରେ ଗଜଲକ୍ଷ୍ମୀ ପୂଜା ନିମନ୍ତେ ସ୍ଥାନୀୟ ହନୁମାନ ମନ୍ଦିର ପ୍ରାଙ୍ଗଣରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ସଭା ଆରମ୍ଭରୁ ଓଟିଭିର ଦିବଙ୍ଗତ ଯୁବ ସାମ୍ବାଦିକ ଦିବଙ୍ଗତ ଅରିନ୍ଦମ ଦାସଙ୍କ ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ୍ ନିରବ ପ୍ରାର୍ଥନା କରାଯାଇଥିଲା । ଏହାପରେ ଚଳିତ ବର୍ଷ ଗଜଲକ୍ଷ୍ମୀ ପୂଜା କିଭଳି ସୁରୁଖୁରୁରେ ପାଳନ କରାଯିବ ସେନେଇ ଆଲୋଚନା କରାଯାଇଥିଲା । ଏଥିସହିତ ନୂତନ କର୍ମକର୍ତ୍ତା ଚୟନ କରାଯାଇଥିଲା । ସଭାପତି ଭାବେ ପ୍ରଫୁଲ କୁମାର ପଣ୍ଡା, ଉପ ସଭାପତି ଭାବେ ବ୍ରଜକିଶୋର ସାହୁଙ୍କୁ ସର୍ବସମ୍ମତିକ୍ରମେ ଚୟନ କରାଯାଇଥିଲା ଏବଂ ଅଞ୍ଚଳର ୧୦ଜଣଙ୍କୁ କାର୍ଯ୍ୟ କାରିଣୀ ସଦସ୍ୟ ଭାବରେ ମନୋନୀତ କରାଯାଇଛି । ବର୍ତ୍ତମାନ ସମୟରେ ପାର୍ବଣ ପାଇଁ ସରକାରଙ୍କ କୋଭିଡ୍ କଟକଣା ଥିବାରୁ କୋଭିଡ୍ ନିୟମ ମାନି ଶାନ୍ତିଶୃଙ୍ଖଳାର ସହିତ କିଭଳି ଗଜଲକ୍ଷ୍ମୀ ପୂଜା କରାଯାଇପାରିବ ସେନେଇ ବୈଠକରେ ଆଲୋଚନା କରାଯାଇଥିଲା । ଏହି ବୈଠକରେ ରବିଦ୍ର ମାହାଙ୍କୁଡ,ଟିକୁ ପତି,ଭଗବତ ସାହୁ,ଶତ୍ରୃଘନ ବାରିକ,ପିଣ୍ଟୁ ପ୍ରଧାନ, ଚନ୍ଦନ ପଣ୍ଡା,କୁନା ପଟ୍ଟନାୟକ,ବିଟୁ ପଟ୍ଟନାୟକ, ସୀତାରାମ ସାହୁ ଓ ସମସ୍ତ କ୍ଷୁଦ୍ର ବଣିଜ ସଂଘର ସଦସ୍ୟ ଉପସ୍ଥିତ ଥିଲେ ।