କନ୍ଧମାଳ: ମାଓ ସଂଗଠନ ଛାଡି ସମାଜର ମୁଖ୍ୟ ସ୍ରୋତରେ ସାମିଲ୍ ହୋଇଥିବା ଫିରିଙ୍ଗିଆ ଜାର୍ଗୀସରୁ ଗ୍ରାମର ମହିଳା ମାଓବାଦୀ ସିଜୁ କହଁର(୨୨) ଙ୍କ ଫୁଲବାଣୀ ରିଜର୍ଭ କାର୍ଯ୍ୟାଳୟ ନିକଟରେ ଥିବା ଅସ୍ଥାୟି ବାସଗୃହରେ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ସିଜୁ କହଁର ୨୯ ମାର୍ଚ୍ଚ ୨୦୧୯ ରେ କନ୍ଧମାଳ ଆରକ୍ଷୀ ଅଧିକ୍ଷକ ଶ୍ରୀ ପ୍ରତିକ ସିଂଙ୍କ ନିକଟରେ ଆତ୍ମସମର୍ପଣ କରିଥିଲେ।ଆତ୍ମସମର୍ପଣ ପରେ ତାଙ୍କୁ ନିଜ ଗ୍ରାମରେ ରହିବା ପାଇଁ କୁହାଯାଇଥିଲା ହେଲେ ଜୀବନ ପ୍ରତି ବିପଦ ଥିବାରୁ ସେ ଏଠାରେ ହିଁ ରହୁଥିଲେ।ଆତ୍ମସମର୍ପଣ ପରେ ସରକାରୀ ସ୍ତରରେ ସମସ୍ତ ପ୍ରକାର ସାହାଯ୍ୟ ଯୋଗାଇ ଦିଆଯାଇଥିଲା।ହେଲେ କେଉଁ କାରଣରୁ ସେ ଆତ୍ମହତ୍ୟା କଲେ ତାହା ଜଣାପଡିନାହିଁ ବୋଲି ଏସପି ପ୍ରତୀକ ସିଂ ପ୍ରକାଶ କରିଛନ୍ତି। ସମାଜର ମୁଖ୍ୟ ସ୍ରୋତରେ ସାମିଲ୍ ପରେ ତାଙ୍କୁ ମାଓସଙ୍ଗଠନରୁ ବିଭିନ୍ନ ଧମକ ମଧ୍ୟ ମିଳୁଥିବା ନେଇ ଅଭିଯୋଗ ହୋଇଥିବା ବେଳେ ଆତ୍ମହତ୍ୟା ଘଟଣା ପରେ ଫୁଲବାଣୀ ଆଦର୍ଶ ଥାନାରେ କେସ ନଂ୨୧/୨୦ରେ ଏକଅପମୃତ୍ୟୁ ମାମଲା ରୁଜୁ ହୋଇ ତଦନ୍ତ ଚାଲିଛି। ପୋଷ୍ଟମର୍ଟମ ରିପୋର୍ଟ ଆସିବାପରେ ଏବଂ ଘଟଣା ର ତଦନ୍ତ ପରେ ସିଜୁ କହଁର କାହିଁକି ଆତ୍ମହତ୍ୟା କଲେ ଏହାର ପ୍ରକୃତ ତଥ୍ୟ ଜଣାପଡ଼ିବ ବୋଲି ଜିଲ୍ଲା ଆରକ୍ଷୀ ଅଧୀକ୍ଷକ ଶ୍ରୀ ପ୍ରତିକ ସିଂ ସୁଚନା ପ୍ରଦାନ କରିଛନ୍ତି।