କଣ୍ଟାବାଞ୍ଜି,୭/୧- ବଲାଙ୍ଗୀର ଜିଲ୍ଲା ଟିଟିଲାଗଡ ଅଞ୍ଚଳର କର୍ତ୍ତବ୍ୟନିଷ୍ଠ ଜଣେ ଯୁବ ସାମ୍ୱାଦିକ ପ୍ରକାଶ ମହାରଣା (୪୫) ଙ୍କ ପରଲୋକ ଘଟିଛି । ତାଙ୍କରି ବିୟୋଗରେ ସଂଘ କାର୍ଯ୍ୟାଳୟରେ ଶୋକସଭା ଅନୁଷ୍ଠିତ ହୋଇଥିଲା । ସଭାପତି ସୁବାଷ ଚନ୍ଦ୍ର ବେହେରାଙ୍କ ଉପସ୍ଥିତିରେ ସମସ୍ତ ସଦସ୍ୟଙ୍କ ଦ୍ୱାରା ସ୍ୱର୍ଗତ ମହାରଣାଙ୍କ ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ପରିବାରବର୍ଗଙ୍କୁ ଆର୍ଥିକ ସହାୟତା ପାଇଁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରାଯିବାକୁ ଆଲୋଚନା ହୋଇଥିଲା । ଏହି ଶୋକସଭାରେ କାର୍ଯ୍ୟକାରୀ ସଭାପତି ଜୀବନାନନ୍ଦ ମହାନ୍ତି, ସମ୍ପାଦକ ଗୁରୁ ଦୟାଲ ହଂସ, ଶିବଶଙ୍କର ବାଗ, ବିମଲ ଦାସ, ଅନ୍ତିମ ପାଣିଗ୍ରାହୀ, କାର୍ତ୍ତିକ ବାଗ, ସମିମ ଖାନ, ଅଭିମନ୍ୟୁ ବହିଦାର, ମୋହନ ସୋନି, ବିଭୁତି ଭୂଷଣ ଦାସ, ବିନୋଦ ସିଂ ଉପସ୍ଥିତ ରହି ଅଶ୍ରୁଳ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।