କଣ୍ଟାବାଞ୍ଜି ,୧୬/୧୨- କଣ୍ଟାବାଞ୍ଜି ଭଜନ ଚୌକ ସ୍ଥିତ ଡେଲି ମାର୍କେଟରେ ଜଣେ ପନିପରିବା ବ୍ୟବସାୟୀ ଜଗବନ୍ଧୁ ବେହେରା (୩୫) ଙ୍କୁ ଧାରୁଆ ଅସ୍ତ୍ରରେ ଦୁବୃତ୍ତମାନେ ଆକ୍ରମଣ କରିବାରୁ ସେ ଗୁରୁତର ଆହତ ହୋଇଛନ୍ତି । ଯୁବକଙ୍କ ହାତ ଜଙ୍ଘ ଓ ପେଟରେ ଆଘାତ ଲାଗିଥିବାରୁ ପ୍ରାଥମିକ ଚିକିତ୍ସା ପରେ ବଲାଙ୍ଗୀର ଭୀମ ଭୋଇ ହସ୍ପିଟାଲ ସ୍ଥାନାନ୍ତର କରାଯାଇଛି । ଘଟଣାପରେ ଦୁବୃର୍ତ୍ତମାନେ ଫେରାର ହୋଇଯାଇଛନ୍ତି । ସୂଚନା ଅନୁସାରେ ଏହି ଦୁବୃତ୍ତମାନେ ଆଗରୁ ବି ଏ ପ୍ରକାର ଆକ୍ରମଣ କରିଛନ୍ତି କିନ୍ତୁ ଜଗବନ୍ଧୁ ସୌଭାଗ୍ୟ ବଶତଃ ବଞ୍ଚି ଯାଇଥିଲେ, ଯାହାକୁ ନେଇ ସ୍ଥାନୀୟ ଥାନା ଓ ଏସ ପିଙ୍କ ନିକଟରେ ଲିଖିତ ଅଭିଯୋଗ ମଧ୍ୟ ହୋଇଥିଲା କିନ୍ତୁ ଜନ ଗହଳି ଅଞ୍ଚଳ ରେ ଯୁବକ ଉପରେ ଧାରୁଆ ଅସ୍ତ୍ର ନେଇ ଆକ୍ରମଣ ଘଟଣା ଅଞ୍ଚଳବାସୀଙ୍କ ମନରେ ଆତଙ୍କ ସୃଷ୍ଟି କରିଛି । ଏହି ଘଟଣାକୁ ନେଇ ଜଗବନ୍ଧୁଙ୍କ ବାପା ଆତ୍ମାରାମ ବେହେରା ସ୍ଥାନୀୟ ଥାନାରେ ଲିଖିତ ଅଭିଯୋଗ ଦେଇଛନ୍ତି , ପୂର୍ବ ଶତ୍ରୁତାକୁ ନେଇ ପ୍ରତିଶୋଧ ପରାୟଣ ଏହି ଆକ୍ରମଣ ହୋଇଛି । ଘଟଣାରେ ସଂଲଗ୍ନ ଅପରାଧୀଙ୍କ ଅନୁସନ୍ଧାନ ପାଇଁ ପୋଲିସ ତଦନ୍ତ ଜାରିରଖିଛି ।