ଫୁଲବାଣୀ,୧୬/୭: କରୋନା ମହାମାରୀ କନ୍ଧମାଳ ଜିଲ୍ଲାରେ ବୃଦ୍ଧି ପାଇବାରେ ଲାଗିଛି । ସେ ତୁଳନାରେ ମଧ୍ୟ ସଂକ୍ରମିତ ରୋଗୀ ସୁସ୍ଥ ହେବାରେ ଲାଗିଛନ୍ତି । ଏଥିପାଇଁ ଜିଲ୍ଲା ପ୍ରଶାସନ, ପୋଲିସ ପ୍ରଶାସନ, ଡାକ୍ତର ଟିମ,ସଫେଇ କର୍ମଚାରୀ ସହିତ ଆଶାକର୍ମୀ ଶିକ୍ଷକ ଶିକ୍ଷୟିତ୍ରୀ ସମସ୍ତେ ଦିନରାତି ଅକ୍ଲାନ୍ତ ପରିଶ୍ରମ କରି ସହଯୋଗ କରି ଆସୁଛନ୍ତି । ସେହିପରି ଖଜୁରିପଡା ବ୍ଲକ ଅଧ୍ୟକ୍ଷ ଶ୍ରୀ ବୀରେନ୍ଦ୍ର କହଁର ଚକାପାଦ ବ୍ଲକର ଡେଲିପଙ୍ଗା ଗ୍ରାମରେ ଗ୍ରାମବାସୀ ମାନଙ୍କୁ ମାସ୍କ ବଣ୍ଟନ କରିବା ସହ କରୋନା ସଚେତନତା କରି ତାଙ୍କର ସୁବିଧା ଅସୁବିଧା ଭଲ ମନ୍ଦ ପଚାରି ବୁଝୁଛନ୍ତି । ଏପରିକି ପ୍ରତ୍ୟେକ ଦିନ ତାଙ୍କ ବ୍ଲକ ଅଧୀନରେ ଥିବା ସମସ୍ତ ଗ୍ରାମକୁ ଯାଇ ବିଭିନ୍ନ ସମସ୍ୟା ଗୁଡିକୁ ତଦାରଖ କରିବା ସହ କାମ ଠିକ ଚାଲିଛିକି ନାହିଁ ନିଜେ ଦେଖି ଆସୁଛନ୍ତି । ତାଙ୍କ ସହିତ ଜିଲ୍ଲାପରିଷଦ ସଦସ୍ୟ ଶ୍ରୀ ରଞ୍ଜନ କହଁର ମଧ୍ୟ ଉପସ୍ଥିତ ଥିଲେ ।