ଖପ୍ରାଖୋଲ,୭/୧୦: ଖପ୍ରାଖୋଲ ବ୍ଲକ ରେଙ୍ଗାଲି ପଞ୍ଚାୟତ ନାଗଡେରା ଗ୍ରାମର ୨ଟି ବଳଦ ବଜ୍ରାଘାତରେ ମୃତ୍ୟୁ ଘଟିଥିବା ଜଣାପଡିଛି । ପ୍ରାପ୍ତ ସୂଚନା ମୁତାବକ ନାଗଡେରା ଗାଁ ର ସଦା ନାଗ ଓ ଫଗୁ ନାଗ ନିଜ ଚାଷ ଜମି ନିକଟରେ ଥିବା ଗଛ ମୂଳେ ସବୁଦିନ ପରି ଆଜି ମଧ୍ୟ ବଳଦ ମାନଙ୍କୁ ବାନ୍ଧି ରଖିଥିଲେ । ଆଜି ଦିନ ସମୟରେ ପ୍ରବଳ ବର୍ଷା ସହ ବଜ୍ରାଘାତ ହୋଇଥିଲା । ଫଳରେ ଗଛ ମୂଳେ ଥିବା ଦୁଇଟି ବଳଦକୁ ବିଜୁଳି ମାରିଦେବା ଫଳରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଚାଷୀଦ୍ୱୟଙ୍କ ବଳଦ ମରିଯିବା ଫଳରେ ନିଜ ଚାଷ ଜମିକୁ କିପରି ଭାବରେ ଚାଷ କରିବେ ବୋଲି ଭାଙ୍ଗି ପଡିଛନ୍ତି । ତେଣୁ ପ୍ରଶାସନ ଏଥିପ୍ରତି ଧ୍ୟାନ ଦେଇ ଆବଶ୍ୟକ କ୍ଷତିପୂରଣ ଯୋଗାଇ ଦେବା ପାଇଁ ସ୍ଥାନୀୟ ଅଞ୍ଚଳରେ ଦାବି ହେଉଛି ।