ଖପ୍ରାଖୋଲ,୨୨/୯: ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ରାଜ୍ୟସଭା ସାଂସଦ ନିରଞ୍ଜନ ବିଶିଙ୍କ ପ୍ରତିନିଧି ଭାବେ ରୁପେଶ ଅଗ୍ରୱାଲଙ୍କୁ ମନୋନୀତ କରାଯାଇଥିବା ଜଣାପଡ଼ିଛି । ବ୍ଲକ କାର୍ଯ୍ୟାଳୟକୁ ନୂତନ ଭାବେ ମନୋନୀତ ରାଜ୍ୟସଭା ସାଂସଦ ପ୍ରତିନିଧି ଶ୍ରୀ ଅଗ୍ରୱାଲ ବିଡ଼ିଓ ରଶ୍ମିରଞ୍ଜନ ରାଉତଙ୍କୁ ଭେଟି ତାଙ୍କୁ ମନୋନୀତ କରାଯାଇଥିବା ପତ୍ର ପ୍ରଦାନ କରିଥିଲେ । ପରେ ବ୍ଲକର ପୁରାତନ ସଭାଗୃହରେ କିଛି ଜନସାଧାରଣଙ୍କୁ ଭେଟିବାସହ ଶିକ୍ଷା, ସ୍ୱାସ୍ଥ୍ୟ ଓ ବ୍ଲକରେ ରହିଥିବା ଅନ୍ୟାନ୍ୟ ଅଧୁରା କାମକୁ ସଂପୂର୍ଣ୍ଣ କରିବାପାଇଁ ଚେଷ୍ଟା କରିବେ ବୋଲି ପ୍ରକାଶ କରିଥିଲେ । ସାଂସଦ ପ୍ରତିନିଧିଙ୍କ ସହ ମହନ ସୁନା , ପଦ୍ମନାଭ ନାଏକ , ଗୋପାଳ ମେହେର , ସୀତାକାନ୍ତ ବିଶ୍ୱାଳ , ଟଙ୍କ ପଧାନ, ସୁଶିଲ ପଧାନ, ଗୋପାଳ ସାହୁ ପ୍ରମୁଖ ଉପସ୍ଥିତ ଥିଲେ ।