ବାଲିଗୁଡ଼ା: କନ୍ଧମାଳ ଜିଲ୍ଲା ତୁମୁଡିବନ୍ଧ ପୋଲିସ ଦ୍ୱାରା ସିର୍ଲା ଅଞ୍ଚଳରୁ ଜଣେ ମାଓ ସମର୍ଥକ (ମେଲେସିଆ) ଗିରଫ । ଗିରଫ ମେଲିସିଆ ଜଣକ ସିର୍ଲା ଗ୍ରାମ ପଞ୍ଚାୟତ ଅନ୍ତର୍ଗତ ସରୁପଟା ଗ୍ରାମର ଭିମା ଦିଗାଲ ବୋଲି ପୋଲିସ୍ ପକ୍ଷରୁ ସୂଚନା ମିଳିଛି । ଗତ ୫ ତାରିଖ ଦିନ ସିର୍ଲା ପଞ୍ଚାୟତର କେହାଲିଗୁଡ଼ା ଜଙ୍ଗଲରେ ସୁରକ୍ଷାକର୍ମୀ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ସେଥିରେ ୪ଜଣ କ୍ୟାଡର ମାଓବାଦୀଙ୍କ ମୃତ୍ୟୁ ଘଟିଥିବା ବେଳେ ଦୁଇଦିନ ପରେ ପୁଣି ସେହି ଅଞ୍ଚଳରେ ଜଣେ ମାଓବାଦୀ ପୋଲିସ୍ ଗୁଳିରେ ପ୍ରାଣ ହରାଇଥିଲା । ଘଟଣାପରେ ସଂପୃକ୍ତ ଅଞ୍ଚଳରେ ପୋଲିସ୍ ପକ୍ଷରୁ ସର୍ଚ୍ଚ ଅପରେସନକୁ ଜୋରଦାର କରାଯାଇଥିଲା ଏବଂ ଏଥିସହିତ ମାଓବାଦୀଙ୍କୁ ସହଯୋଗ କରୁଥିବା ଲୋକଙ୍କୁ ମଧ୍ୟ ଖୋଜୁଥିଲା ପୋଲିସ୍ । ଗିରଫ ମେଲିସିଆ ଭିମା ଦିଗାଲ ଗତ ଦୁଇ ତିନିବର୍ଷ ଧରି ମାଓବାଦୀଙ୍କ ସମ୍ପର୍କରେ ଥିବା ସହ ଗୁଳି ବିନିମୟରେ ଆହତ ମାଓବାଦୀଙ୍କୁ ଔଷଧ ପତ୍ର ଯୋଇବାସହ ସେମାନଙ୍କୁ ସମସ୍ତ ପ୍ରକାର ସହଯୋଗ କରୁଥିବା ପୋଲିସ୍ ପକ୍ଷରୁ ସୂଚନା ମିଳିଛି ।