ଖୋର୍ଦ୍ଧା,୪/୮- ଗତ ୧ତାରିଖରେ ବେଗୁନିଆ ଥାନା ଅନ୍ତର୍ଗତ ଅଭିମାନପୁର ଗ୍ରାମର ସତ୍ୟବ୍ରତ ନାୟକଙ୍କୁ ସ୍ୱପ୍ନେଶ୍ୱର ନାୟକ ପିତା ସୁଦର୍ଶନ ନାୟକ ଏବଂ ଟୁଲୁ ବେହେରା ଚଟୁଆ ଛକରୁ ଅପହରଣ କରି ନେଇ କରଡଗାଡିଆରେ ଏକ ଘରେ ଆକ୍ରମଣ କରି ମାରିଦେଇଥିଲେ । ଏହାପରେ ତାକୁ ନିକଟସ୍ଥ କାଜୁ ଜଙ୍ଗଲକୁ ନେଇ ଜୁଇରେ ଶୁଆଇ ଦେଇ ପୁତୁରା ବସନ୍ତ ନାୟକଙ୍କୁ ମୁଖାଗ୍ନି ଦେବାକୁ ଡାକିଥିଲେ । ଏହାସହିତ ହତ୍ୟା ସମ୍ପର୍କରେ କାହାକୁ ଜଣାଇଲେ ବସନ୍ତକୁ ମଧ୍ୟ ସମାନ ଢ଼ଙ୍ଗରେ ହତ୍ୟା କରିବାକୁ ଚେତାଇ ଦେଇଥିଲେ । ଏ ନେଇ ବସନ୍ତ ବେଗୁନିଆ ଥାନାରେ ଅଭିଯୋଗ କରିବା ପରେ ପୋଲିସ୍ ଦୁଇଟି ଟିମ୍ ଗଠନ କରି ତଦନ୍ତ ଆରମ୍ଭ କରିଥିଲା ।
ତଦନ୍ତ ସମୟରେ ମୁଖ୍ୟ ଅଭିଯୁକ୍ତ ସ୍ୱପ୍ନେଶ୍ୱର ନାୟକ ଏକ ମାନବାବାଦି ସଂଗଠନର ମୁଖ୍ୟ ହୋଇଥିବାବଳେ ତା ସଂଗଠନରେ ସାମିଲ ନହେବାରୁ ତାକୁ ହତ୍ୟା କରିଥିବା ନେ଼ଇ ପ୍ରକାଶ କରିଥିଲା । ଏ ଘଟଣାରେ ପୋଲିସ ୬ ଜଣଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ ଟୁଲୁ ବେହେରା , ବିଜୟ ନାୟକ, ଶ୍ୟାମଘନ ନାୟକ, ବୈକୁଣ୍ଠ ନାୟକ, ଯୋଗେଶ୍ୱର ନାୟକ, ମୀନକେତନ ନାୟକଙ୍କୁ ଗିରଫକରିବା ସହିତ ୧୪୯/୨୦୨୧ ରେ ଏକ ମାମଲା ରୁଜୁକରି କୋର୍ଟ ଚାଲାଣ କରିଥିବା ନେଇ ଏସପି ଏକ ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ।