ଖୋର୍ଦ୍ଧା,୧୪/୦୭: ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ଦଧିମାଛଗାଡିଆ ଗୁଳିକାଣ୍ଡ ଘଟଣାରେ ମୁଖ୍ୟ ଅଭିଯୁକ୍ତକୁ ପୁଲିସ ଗିରଫ କରିଥିବା ଜଣାପଡ଼ିଛି । ଗତ ବର୍ଷ ଜୁନ ୧୪ତାରିଖ ସକାଳ ସାଢେ ୮ଟା ସମୟରେ ଲାଲା ପ୍ରଧାନଙ୍କୁ ଗାଁ ରାସ୍ତା ମଝିରେ ଗୁଳିକରି ହତ୍ୟା କରାଯାଇଥିଲା । ଏ ଘଟଣାରେ ଲାଲା ପ୍ରଧାନଙ୍କ ପୁତୁରା ଏକ ଲିଖିତ ଅଭିଯୋଗକ୍ରମେ ସଦର ଥାନା ପୁଲିସ ଏକ ମାମଲା ରୁଜୁ କରିଥିଲା । ସୋମବାର ଘଟଣାର ମୁଖ୍ୟ ଅଭିଯୁକ୍ତ ଦଧିମାଛଗାଡିଆ ଗ୍ରାମର ବଳରାମ ଦଳାଇ ଓରଫ (ରାଜା) କୁ ଗିରଫ କରିବା ସହିତ ତାଠାରୁ ଗୋଟିଏ ୯ଏମ୍ଏମ୍ ବନ୍ଧୁକ ଓ ୪ଟି ଜୀବନ୍ତ ଗୁଳି ଜବତ ହୋଇଥିଲା । ଏ ଘଟଣାରେ ସଦର ପୁଲିସ୍ ୧୦୪/୨୦୨୦ରେ ଏକ ମାମଲା ରୁଜୁ କରିଥିବାବେଳେ ଗତକାଲି ଅଭିଯୁକ୍ତକୁ ହତ୍ୟା ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଥିବା ଖୋର୍ଦ୍ଧା ପୁଲିସ ପ୍ରକାଶ କରିଛି ।
ପୂର୍ବରୁ ଏ ଘଟଣାରେ ବିଶ୍ୱରଞ୍ଜନ ଜେନା(ପେମା),ସଞ୍ଜୟ ବେହେରା(ଗୁଡୁ) ଏବଂ ଭାଲିଆବାଡି ଗ୍ରାମର ମନୋରଞ୍ଜ ସାହୁ (ମିକି)କୁ ଗିରଫ କରି କୋର୍ଟ ଚାଲାଣ କରିଥିବା ପୁଲିସ ସୂଚନା ଦେଇଛି ।