ବଜ୍ରାଘାତରେ ଜଣେ ମୃତ

ବୌଦ୍ଧ – ଗତକାଲି ରାତିରେ ହୋଇଥିବା ବଜ୍ରପାତ ଯୋଗୁଁ ହରଭଙ୍ଗା ବ୍ଲକ୍ ପୁରୁଣାକଟକ ଥାନା ଧଳପୁର ଗ୍ରାମରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଧଳ ପୁର୍ ଟିକିରାସାହିର ଶିବ ବେହେରା (45 ବର୍ଷ ) ନିଜ ଘରେ ଥିବାବେଳେ ରାତି ପ୍ରାୟ 9 ଘଣ୍ଟା ସମୟରେ ହୋଇଥିବା ବଜ୍ରପାତରେ ଗୁରୁତର ଆହତ ହୋଇଥିଲେ l ପରିବାର ଲୋକ ତାଙ୍କୁ ଗୁରୁତର ଅବସ୍ଥାରେ ପୁରୁଣାକଟକ ଡାକ୍ତରଖାନାକୁ ନେଉଥିବା ବେଳେ ବାଟରେ ତାଙ୍କର ମ୍ରୁତ୍ୟୁ ହୋଇ ଯାଇଥିବା ଜଣାପଡିଛି l ଆଜି ତାଂକର ଶବ ବ୍ୟବଚ୍ଛେଦ କରାଯିବ | ମୃତକଙ୍କ ପରିବାରକୁ ସରକାରୀ ଆର୍ଥିକ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବୀ କରିଛନ୍ତି | ଏଠାରେ ଉଲ୍ଲେଖ ଯୋଗ୍ୟ ଯେ ଗତକାଲି ବୌଦ୍ଧ ଜିଲ୍ଲାର ବିଭିନ୍ନ ଅଂଚଳରେ ରାତି ପ୍ରାୟ 8 ଘଣ୍ଟା ସମୟରୁ 9 ଘଣ୍ଟା ସମୟ ମଧ୍ୟରେ ବର୍ଷା ସହ ପ୍ରବଳ ବଜ୍ରପାତ ଅନୁଭୁତ ହୋଇଥିଲା |