କୋକସରା,୨୫/୨: କଳାହାଣ୍ଡି ଜିଲ୍ଲା କୋକସରା ବ୍ଲକ ମୋଟେର ମଣ୍ଡି ପଡିଆ ଠାରେ ମା ମୋଟ୍ରାଣୀ କ୍ରିକେଟ କ୍ଳବ ଆନୁକୂଲ୍ୟରେ ଶନିବାର ମା ମୋଟ୍ରାଣୀ ନକ ଆଉଟ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଉଦଘାଟନୀ ଉତ୍ସବରେ ମୁଖ୍ୟଅତିଥି ଭାବେ ବରିଷ୍ଠ ଶିକ୍ଷକ ରାମନାରାୟଣ ପୁଝାରୀ ଯୋଗଦେଇ ଟୁର୍ଣ୍ଣାମେଣ୍ଟର ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବେ ବରିଷ୍ଠ ସାମ୍ବାଦିକ ବିନୋଦ ପଟେଲ, ହିରଣ୍ୟ ବେହେରା, ପରମେଶ୍ୱର ପାଳ ଯୋଗଦେଇ ଖେଳାଳୀ ଓ ଦର୍ଶକଙ୍କୁ ଉତ୍ସାହିତ କରିଥିଲେ । ଉଦଘାଟନୀ ମ୍ୟାଚ ମହିଚଲା ବୁଢାରଜା ଓ ଠେଲକୋମୁଣ୍ଡା ଏକାଦଶ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ପ୍ରଥମେ ମହିଚଲା ବ୍ୟାଟିଂ କରି ୧୦ ଓଭରରେ ୪ ୱିକେଟ ହରାଇ ୧୩୮ ରନ ସଂଗ୍ରହ କରିଥିଲା । ଏହାର ଜବାବରେ ଠେଲକୋମୁଣ୍ଡା ଏକାଦଶ ୭ ୱିକେଟ ହରେଇ ୭୪ ରନ୍ କରିପାରିଥିଲା । ଆଜିର ମ୍ୟାଚକୁୁ ବରିଷ୍ଠ ଖେଳାଳୀ ଦେବେନ୍ଦ୍ର ଶବର ଓ ପିଣ୍ଟୁ ଦାସ ପରିଚାଳନା କରିଥିଲେ । ରାମନାରାୟଣ ପୁଝାରୀ ଖେଳର ପ୍ରତ୍ୟକ୍ଷ ଧାରାବିବରଣୀ ପ୍ରଦାନ କରିଥିବାବେଳେ ବିନୋଦ ଶବର ସ୍କୋର ବୋର୍ଡ ସମ୍ଭାଳି ଥିଲେ । ମା ମୋଟ୍ରାଣୀ କ୍ରିକେଟ କ୍ଳବର ସୁଶୀଲ ପଟେଲ, ଡିସେମ୍ବର ଭୋଇ, ଲଳିତ ରଣା, ସୌରଭ ଦାସ, ରୋହିତ ପୁଝାରୀ, ମଣ୍ଟୁ ଦାସ, ବବଲୁ ପୁଝାରୀ, ମଧୁସୂଦନ ମାଝୀଙ୍କ ସମେତ ଅନୁଷ୍ଠାନର ସମସ୍ତ ସଦସ୍ୟ ସହଯୋଗ କରିଥିଲେ ।