ଗଞ୍ଜମ : କୁକୁଡାଖଣ୍ଡି ବ୍ଲକ ଏଲିମେଣ୍ଟାରୀ ବିଏଡ଼ ଶିକ୍ଷକ ସଂଘର ସାମ୍ବିଧାନିକ ବୈଠକ ଅନୁଷ୍ଠିତ ହୋଇଯାଇଛି । ବ୍ଲକର ସମସ୍ତ ବିଏଡ଼ ଯୋଗ୍ୟତାଧାରୀ ଶିକ୍ଷକ ଶିକ୍ଷୟିତ୍ରୀମାନେ ଉପସ୍ଥିତ ରହି ଶ୍ରୀମତୀ ସରସ୍ୱତୀ ଅକାରୀଙ୍କୁ ସଭାନେତ୍ରୀ, ପ୍ରଦୀପ କୁମାର ରାଉତଙ୍କୁ କାର୍ଯ୍ୟକାରୀ ସଭାପତି, ପ୍ରଭାସ କୁମାର ରାଉତଙ୍କୁ ସମ୍ପାଦକ, ସହ ଉପ-ସଭାପତି ଭାବେ ସଂଗୀତା ହୋତା ଓ ମୀନକେତନ ଦୋରା, ଯୁଗ୍ମ-ସମ୍ପାଦକ ଭାବେ ଶିଶିର କୁମାର ପାଢୀ ଓ କନକଲତା ମହାନ୍ତି, ସଂଗଠନ ସମ୍ପାଦକ ଭାବେ ଭାସ୍କର ରେଡ୍ଡୀ, କୋଷାଧ୍ୟକ୍ଷ ଭାବେ ଉଷାରାଣୀ ସାହୁ ଏବଂ ଜିଲ୍ଲା ପରିଷଦ ସଦସ୍ୟ ଭାବେ ନିରଞ୍ଜନ ପଣ୍ଡା ଓ ହୃଷିକେଶ ସାହୁ ପ୍ରମୁଖଙ୍କୁ ସର୍ବସମ୍ମତିକ୍ରମେ ଚୟନ କରାଯାଇଥିଲା । ଏହି କାର୍ଯ୍ୟକ୍ରମକୁ ରାଜ୍ୟ ଆଞ୍ଚଳିକ ସମ୍ପାଦକ ନିରଞ୍ଜନ ପଣ୍ଡାଙ୍କ ସହ ଲଷ୍ମୀକାନ୍ତ ପଣ୍ଡା, ସଞ୍ଜୟ କୁମାର ସାହୁ ଓ ସତ୍ୟନାରାୟଣ ଦୋରା ପରିଚାଳନା କରିଥିଲେ ।