ବୌଦ୍ଧ / ବାଉଁଶୁଣି – ବୌଦ୍ଧ ବ୍ଲକ୍ ବାଉଁଶୁଣି ଗ୍ରାମ ପଂଚାୟତର ୱାର୍ଡ ନମ୍ବର୍ ୭ ଟିକିରାପଡା ଗ୍ରାମର ନବ କିଶୋର ମେହେର ନାମକ ଜଣେ ଗରୀବ ବୁଣାକାର ପରିବାରର ୩ ବଖରା ଘର ଗତ ଲଗାଣ ବର୍ଷାରେ ଭାଙ୍ଗି ଯିବାରୁ ପରିବାର ବେସାହାରା ହୋଇଥିବା ଦେଖିବାକୁ ମିଳିଛି । ପାଞ୍ଚ ପ୍ରାଣୀ କୁଟୁମ୍ବକୁ ନେଇ କୋଉଠି ମୁଣ୍ଡ ଗୁଞ୍ଜିବେ ଓ କ\’ଣ ଖାଇବେ ସେ ନେଇ ପରିବାର ଚିନ୍ତାରେ । ଏ ସମ୍ପର୍କରେ ସେ ସରକାରୀ ସହାୟତା ପାଇଁ ରାଜସ୍ୱ ନିରୀକ୍ଷକଙ୍କ ନିକଟରେ ଆବେଦନ କରିଛନ୍ତି । ରାଜସ୍ୱ ବିଭାଗ ପୂର୍ବରୁ ହୋଇଥିବା ଝଡ ବାତ୍ୟାରେ ଘର ଛପର ଉଡି ଯାଇଥିବା ଲୋକଙ୍କୁ ଜରି ପାଲ ଯୋଗାଣ ରେ ବିଫଳ ହୋଇଥିବା ବେଳେ ଗତ ବାତ୍ୟାରେ ଘର ଭାଙ୍ଗିଥିବା ଲୋକଙ୍କୁ ମଧ୍ୟ ଜରି ପାଲ ଆଜିଯାଏଁ ବଣ୍ଟନ କରି ପାରିନଥିବା ଅଭିଯୋଗ ହୁଏ । ଘର ଭାଙ୍ଗିଥିବା ପରିବାରକୁ ତୁରନ୍ତ ସହାୟତା ଯୋଗାଇ ଦେବା ସହ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଯୋଗାଇ ଦେବାକୁ ଦାବୀ ହେଉଛି ।