ପାରଳାଖେମୁଣ୍ଡି : ଶନିବାର ଦିନ ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିରର ଠାରେ ଏଲ୍ଆଇସି ଅଫ୍ ଇଣ୍ଡିଆ ତରଫରୁ ଷ୍ଟୁଡେଣ୍ଟ୍ ଅଫ୍ ଦି ଇଅର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ପାରଳାଖେମୁଣ୍ଡି ଏଲ୍ଆଇସି ଶାଖାର ଶାଖା ପ୍ରବନ୍ଧକ ଦୀପ୍ ନାରାୟଣ ମିତ୍ର, ଡେଭେଲପ୍ ମେଣ୍ଟ ଅଫିସର ଅଶୋକ ଶତପଥୀ, ଆଡ୍ ମିନିଷ୍ଟ୍ରେଟିଭ୍ ଅଫିସର ମୀନକେତନ ପାଣିଗ୍ରାହୀ ଉପସ୍ଥିତ ରହି ଆମ ଜୀବନରେ ଜୀବନ ବୀମାର ଆବଶ୍ୟକତା ଓ ଗୁରୁତ୍ୱ ବିଷୟରେ ବିଭିନ୍ନ ଉଦାହରଣ ମାଧ୍ୟମରେ ପିଲାମାନଙ୍କର ମାର୍ଗ ଦର୍ଶନ କରିଥିଲେ । ଏହି ଅବସରରେ ସ୍ଥାନୀୟ ଏଲ୍ଆଇସି ଶାଖା ପକ୍ଷରୁ ଶିଶୁ ମନ୍ଦିରର ପ୍ରଥମଠାରୁ ଦଶମ ଶ୍ରେଣୀ ପର୍ଯ୍ୟନ୍ତ ମେଧାବୀ ଛାତ୍ରଛାତ୍ରୀମାନଙ୍କୁ ଏଲ୍ଆଇସି ଟ୍ରଫି୍ ପ୍ରଦାନ କରି ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମରେ ଶିଶୁ ମନ୍ଦିରର ପ୍ରଧାନ ଆଚାର୍ଯ୍ୟ ସରୋଜ କୁମାର ପଣ୍ଡା ସଭାପତିତ୍ୱ ତଥା ସଂଯୋଜନା କରିଥିଲେ । ଅନୁଷ୍ଠାନର ସହ-ପ୍ରଧାନ ଆଚାର୍ଯ୍ୟ ସନ୍ତୋଷ କୁମାର ପାଢ଼ୀ ଧନ୍ୟବାଦ ଅର୍ପଣ କରିଥିଲେ ଏବଂ ବିଦ୍ୟାଳୟରର ଆଚାର୍ଯ୍ୟଆଚାର୍ଯ୍ୟାମାନେ ସହଯୋଗ କରିଥିଲେ ।