ଦଶପଲ୍ଲା : ଓଡ଼ଗାଁ ବ୍ଲକ ପରିସରରେ ବ୍ଲକସ୍ତରୀୟ ମିଶନ ଶକ୍ତି ମହାସଂଘ ଭବନର ଶିଳାନ୍ୟାସ କରିଛନ୍ତି ମନ୍ତ୍ରୀ ଡ଼ ଅରୁଣ କୁମାର ସାହୁ । ବୁଧବାର ଅପରାହ୍ନରେ ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନଙ୍କ ଗହଣରେ ଆସି ଭିତ୍ତିପ୍ରସ୍ତର ସ୍ଥଳକୁ ଆସି ଶୁଭ ଦେଇଥିଲେ । ଏହି ଅବସରରେ ମନ୍ତ୍ରୀ ‘ଆପଣମାନେ(ମହିଳା) ଆଗକୁ ବଢନ୍ତୁ, ମୁଁ ଆପଣମାନଙ୍କ ସାଥୀରେ ଅଛି ।’ଆଗାମୀ ଦିନରେ ଓଡ଼ଗାଁ ବ୍ଲକ ସ୍ୱୟଂ ସହାୟକ ମହିଳାମାନଙ୍କ ନିମନ୍ତେ ୫୦ ଲକ୍ଷ ଟଙ୍କା ବ୍ୟୟ ଅଟକଳରେ ଏହି ମିଶନ ଶକ୍ତି ଭବନର ନିର୍ମାଣ କରାଯିବ । ଏହି କାର୍ଯ୍ୟକ୍ରମରେ ବିଡ଼ିଓ ସ୍ୱାତିଲେଖା ଦାସ , ଜିଲ୍ଲା ପରିଷଦ ସଭ୍ୟ ଲୋକନାଥ ସାହୁ, ବିଭୁ ପ୍ରସାଦ ସାହୁ,ବ୍ଲକ ବିଜେଡି ସଭାପତି ସୁର୍ଯ୍ୟ ନାରାୟଣ ଚୌଧୁରୀ, ପୂର୍ବତନ ସରପଞ୍ଚ ନିତ୍ୟାନନ୍ଦ ପ୍ରଧାନ ଏବଂ ଶହଶହ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ଉପସ୍ଥିତ ଥିଲେ ।