ଖୋର୍ଦ୍ଧା: ଖୋର୍ଦ୍ଧା ସହରଠାରୁ ୮ କିମି ଦୂର କେରଙ୍ଗ ରାସ୍ତାର ଠାକୁରପଡ଼ା ଗାଁରେ ଜଣେ ଯୁବକଙ୍କୁ କେହି ପଥରରେ ଛେଚି ହତ୍ୟା କରିଥିବା ଜଣାଯାଇଛି । ରାତି ସାଢେ଼ ଆଠଟା ବେଳେ ଏହି ଯୁବକଙ୍କ ମୃତଦେହ ପଡ଼ିଥିବା ଦେଖି ଗାଁ ଲୋକ ଖୋର୍ଦ୍ଧା ଟାଉନ ଥାନାକୁ ଖବର ଦେଇଥିଲେ । ସୂଚନା ପାଇ ସେଠାରେ ପୁଲିସ ପହଞ୍ଚି ରାସ୍ତାକଡ଼ରେ ପଡ଼ିଥିବା ଯୁବକଙ୍କୁ ନେଇ ଜିଲ୍ଲା ମୁଖ୍ୟ ଚିକିତ୍ସାଳୟ ଆଣିଥିଲା । ସେଠାରେ ଡାକ୍ତର ତାଙ୍କୁ ଚିକିତ୍ସାଳୟ ଆସିବା ପୂର୍ବରୁ ହିଁ ମୃତ୍ୟୁ ଘଟିଥିବା କହିଥିଲେ । ମୃତ ଯୁବକ ଜଣକ ଠାକୁରପଡ଼ା ନୂଆ ସାହିର ଯୁଗଳ ସାହୁଙ୍କ ପୁଅ ଉମାକାନ୍ତ ସାହୁ ( ୪୫) ବୋଲି ଚିହ୍ନଟ କରାଯାଇଛି । ଅପରପକ୍ଷରେ ପୁଲିସ ପକ୍ଷରୁ ତଦନ୍ତ ଜାରି ରହିଥିବାରୁ ମୃତ୍ୟୁର କାରଣ ମଧ୍ୟ ସ୍ପଷ୍ଟ ହୋଇପାରିନାହିଁ ।