ନନ୍ଦାହାଣ୍ଡି,୨୧/୨:- ନବରଙ୍ଗପୁର ଜିଲ୍ଳା ନନ୍ଦାହାଣ୍ଡି ବ୍ଳକ ଝାଡବନ୍ଦ ଗୁଡା ପଞ୍ଚାୟତ ଅନ୍ତର୍ଗତ ପୁଟଘର ଗାଁ ରେ ପହଞ୍ଚି ଥିଲେ ଗୋଷ୍ଠି ଉନ୍ନୟନ ଅଧିକାରୀ କ୍ଷୀରୋଦ ଚନ୍ଦ୍ର ସାହୁ । ଏହା ଏକ ଉପାନ୍ତ ବଣ ପାହାଡ଼ଘେରା ଅଞ୍ଚଳରେ ରହିଛି । ଆଜି ଅଫିସରୁ ବାହାରି ୩ କି.ମି ରାସ୍ତା ପାଦରେ ଚାଲିଚାଲି ଯାଇ ପହଞ୍ଚିଥିଲେ ବିଡିଓ ଏବଂ ସେଠାରେ ବସବାସ କରୁଥିବା ଲୋକମାନଙ୍କ ସହିତ ଆଲୋଚନା କରିଥିଲେ । ଆଲୋଚନା ପରେ ଜାଣିଲେ ଯେ ସେଠାରେ ଆଜିପର୍ଯ୍ୟନ୍ତ ମୌଳିକ ସୁବିଧା ପହଞ୍ଚିପାରି ନାହିଁ । ଫଳରେ ସେ ଦୁଃଖ ପ୍ରକାଶ କରିଥିଲେ । ଏ ବିଷୟରେ ଗତ ଫେବୃଆରୀ ୧୫ତାରିଖରେ ଖବର ପ୍ରସାରିତ ହୋଇଥିଲା । ସେଠାରେ ସ୍ୱାସ୍ଥ୍ୟ, ଗମନାଗମନ, ବିଜୁଳି, ପାନୀୟ ଜଳ, ସ୍କୁଲ ସମସ୍ୟାଥିବା ଗ୍ରାମବାସୀ ଅଭିଯୋଗ କରିଥିଲେ । ନଳକୂପଟିଏ ଅଛି କିନ୍ତୁ ଖରାପ ପାଣି ବାହାରୁଥିବାରୁ ପିଇବା ଉପଯୋଗୀ ହେଉନାହିଁ ସେହି ପାଣିକୁ ବିଡିଓ ପରୀକ୍ଷା ପାଇଁ ପଠାଯିବ ଏବଂ ସେଠାରେ ଥିବା ପୋଖରୀର ପୁନରୁଦ୍ଧାର କରିବା ଓ ଯିବାଆସିବା ପାଇଁ ରାସ୍ତା ତିଆରି ଏବଂ ଯେଉଁ ସୋଲାର ଲାଇଟ ରହିଛି ତାକୁ କେମିତି କାର୍ଯ୍ୟକ୍ଷମ କରାଯିବ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ।