ନନ୍ଦାହାଣ୍ଡି:ନନ୍ଦାହାଣ୍ଡି ବ୍ଲକ ସାମ୍ବାଦିକ ସଂଘ ତରଫରୁ ଜାତୀୟ ପ୍ରେସ ଦିବସ ପାଳନ କରାଯାଇଛି । ସଂଘ ସଭାପତି ବୁଲୁ ପାଢ଼ୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରଙ୍ଗମାଟି ଗୁଡା କାଶୀ ବିଶ୍ୱନାଥ ମନ୍ଦିର ପ୍ରାଙ୍ଗଣରେ ବ୍ଲକର ଏନବିଏସ ସଙ୍ଘର ସମସ୍ତ କାର୍ଯ୍ୟକର୍ତ୍ତାଙ୍କ ଉପସ୍ଥିତରେ ପ୍ରଥମେ ବାବା କାଶୀ ବିଶ୍ୱନାଥଙ୍କୁ ପ୍ରଣାମ ଜଣାଇ ଆଜିର ଏହି ପ୍ରେସ ଦିବସ ପାଳନ କରାଯାଇଛି । ଏହି ଅବସରରେ ସଂଘ ହିତରେ ବିଭିନ୍ନ ବିଷୟ ଉପରେ ଆଲୋଚନା କରାଯାଇଥିଲା । ଏହି ସଂଘର ଆସନ୍ତା ଦିନରେ ଅନେକ ପ୍ରକାରର ଯୋଜନା ମାନକୁ ନେଇ ସଂଘର କର୍ମକର୍ତ୍ତାମାନେ ନିଜ ନିଜର ମତ ପ୍ରକାଶ କରିଥିଲେ । ସେହିପରି ସଂଘର ବିଭିନ୍ନ କାର୍ଯ୍ୟକର୍ତ୍ତା ତଥା ଦେବୀ ପ୍ରସାଦ ମହାପାତ୍ର, ସୁବ୍ରଜିତ ତ୍ରିପାଠୀ, ରାମଚନ୍ଦ୍ର ବିଷୋୟୀ, ଶିବ ଶଙ୍କର ବିଷୋୟୀ, ବିଷ୍ଣୁ ପ୍ରାସଦ ବିଷୋୟୀ ସହ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ରହି ଥିଲେ