ଦଶପଲ୍ଲା : ଦଶପଲ୍ଲାର ଅଗ୍ରଣୀ ସାହିତ୍ୟ ଅନୁଷ୍ଠାନ ସମ୍ବାଦ ସାହିତ୍ୟ ଘର ତରଫରୁ କୃଷ୍ଣପ୍ରୀୟା ଦେବୀ ମହିଳା ମହାବିଦ୍ୟାଳୟ ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ରେ କୃଷ୍ଣପ୍ରୀୟାଦେବୀ ଜୁନିୟର ମହିଳା ମହାବିଦ୍ୟାଳୟର ଅଧ୍ୟକ୍ଷା ପୂର୍ଣ୍ଣମାସୀ ଦେବୀ, ବରିଷ୍ଠ ଓକିଲ ବୀରେନ୍ଦ୍ର ନାୟକ, ବରିଷ୍ଠ ସାମ୍ବାଦିକ ପ୍ରଫୁଲ୍ଲ କୁମାର ପଣ୍ଡା, ଅବସରପ୍ରାପ୍ତ ବନପାଳ ତଥା ପରିବେଶବିତ୍ ପ୍ରଫୁଲ୍ଲ କୁମାର ଦାଶ୍, ଅବସରପ୍ରାପ୍ତ ପ୍ରାଧ୍ୟାପକ ସରୋଜ୍ କୁମାର ନାୟକ, ସାମ୍ବାଦିକ ରତ୍ନାକର ହୋତା ( କବି ସତ୍ୟସଂଧ),ବିଶିଷ୍ଠ କଣ୍ଠଶିଳ୍ପୀ କୁରେସ୍ ସାହୁ, ଶିକ୍ଷକ ଲିଙ୍ଗରାଜ ପାଣିଙ୍କ ସମେତ ଦଶପଲ୍ଲା ସମ୍ବାଦ ସାହିତ୍ୟ ଘରର ବହୁସଭ୍ୟ ଉପସ୍ଥିତ ହୋଇ ବୃକ୍ଷରୋପଣ କରିଥିଲେ । ସଭାପତି ପ୍ରାଧ୍ୟାପକ ସରୋଜ୍ କୁମାର ନାୟକ ବୃକ୍ଷର ଉପକାରିତା, ସାହିତ୍ୟ ସହିତ ବୃକ୍ଷର ସମ୍ପର୍କ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ଶେଷରେ ସଂପାଦକ ପ୍ରଫୁଲ୍ଲ କୁମାର ପଣ୍ଡା ଧନ୍ୟବାଦ ଅର୍ପଣ କରିଥିଲେ ।