ପାରଳାଖେମୁଣ୍ଡି,୨୪/୮- ଆଜି ଗଜପତି ଜିଲ୍ଲା ନୂଆଗଡ଼ ବ୍ଲକ ଅନ୍ତର୍ଗତ ତାବରଡ଼ା ଗ୍ରାମ ପଞ୍ଚାୟତର ଲେଙ୍ଗେ ଗ୍ରାମରେ କେନ୍ଦ୍ରସରକାରଙ୍କ ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରଣାଳୟ ଆନୁକୁଲ୍ୟରେ ନେହେରୁ ଯୁବ କେନ୍ଦ୍ରର ଜିଲ୍ଲା ଯୁବ ଅଧିକାରୀ ଶ୍ରୀ ବିଜୟ କୁମାର ମହାପାତ୍ର ଙ୍କ ତତ୍ତ୍ବାବଧାନରେ କ୍ଲିନ ଇଣ୍ଡିଆ ଗ୍ରୀନ ଇଣ୍ଡିଆ ଅଭିଯାନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ବିଶ୍ୱ ଯେପରି ଜଳ ବାୟୁ ପରିବର୍ତ୍ତନ, ତାପମାତ୍ରା ବୃଦ୍ଧି, ନିର୍ଦ୍ଧିଷ୍ଟ ସମୟରେ ବର୍ଷା ନହେବା । ଏଭଳି ପରିସ୍ଥିତିର ସମ୍ମୁଖୀନ ରକ୍ଷା ପାଇବା ନିମିତ୍ତ ଆମ ଲେଙ୍ଗେଗ୍ରାମର “ଆମାଜୋନ୍ ୟୁଥ୍ କ୍ଲବ” ସଦସ୍ୟ ମାନଙ୍କ ଦ୍ୱାରା ସଫେଇ ଓ ୫୦ଟି ଚାରାଗଛ ରୋପଣ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ଜାତୀୟ ସ୍ୱୟଂ ସେବକ ସୁଧାଂଶୁ ରଞ୍ଜନ ପାଣି ଏବଂ କରୁଣାକର ବେହେର୍ଦ୍ଦଳାଇ ଏହି କାର୍ଯ୍ୟକ୍ରମଟିକୁ ପରିଚାଳନା କରିଥିଲେ ।