ପାଟଣାଗଡ଼,୨୭/୧୨:- ପାଟଣାଗଡ ନିର୍ବାଚନ ମଣ୍ଡଳୀର ପାଟଣାଗଡ ବିଜେଡି କାର୍ଯ୍ୟାଳୟରେ ବିଜୁ ଜନତା ଦଳ ପକ୍ଷରୁ ବିଜେଡିର ୨୫ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଅନୁଷ୍ଠିତ ପ୍ରତିଷ୍ଠା ଦିବସ ସମାରୋହରେ ବିଧାୟକ ସରୋଜ କୁମାର ମେହେର ଯୋଗଦେଇ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଫୋଟୋଚିତ୍ରରେ ମାଲ୍ୟାର୍ପଣ କରିଥିଲେ । ବିଜେଡି ସରକାର ଲୋକପ୍ରିୟ ମୁଖ୍ୟମନ୍ତ୍ରୀ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଦୀର୍ଘ ୨୪ ବର୍ଷ ଶାସନ କାଳରେ ସ୍ୱଚ୍ଛ ନିର୍ମଳ ଶାସନ ଲୋକଙ୍କ ଜନହିତକର କାର୍ଯ୍ୟ ଉପରେ ଆଲୋକପାତ କରିଥିଲେ । ଆଗକୁ ପଞ୍ଚାୟତ ନିର୍ବାଚନ ଓ ପୈ ।ର ନିର୍ବାଚନ ଥିବାରୁ କିପରି ଦଳକୁ ଆହୁରି ସୁଦୃଢ଼ କରିହେବ ସେନେଇ ଦଳ ଏଜେଣ୍ଡା ପ୍ରସ୍ତୁତ କରିଛି । କିପରି ଅଧିକ ଭୋଟରେ ଦଳ ବିଜୟୀ ହେବ ସେଉପରେ ଗୁରୁତ୍ୱ ଦେବା ସହ ରାଜ୍ୟ ସରକାରଙ୍କ ସମସ୍ତ ଜନହିତକର ଯୋଜନା ଲୋକଙ୍କ ପାଖରେ ପହଞ୍ଚାଇବା ସେନେଇ ଗୁରୁତ୍ୱ ଦିଆଯିବ ବୋଲି କହିଥିଲେ । ସେହିପରି ପାଟଣାଗଡ଼ ନିର୍ବାଚନ ମଣ୍ଡଳୀର ଖପ୍ରାଖୋଲ, ବେଲପଡା ବ୍ଳକରେ ମଧ୍ୟ ବିଜେଡିର ୨୫ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଏଥିରେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଯୋଗ ଦେଇଥିଲେ ସରକାର ଙ୍କ ଜନହିତକର କାର୍ଯ୍ୟର ସଫଳତା ଉପରେ ଆଲୋକପାତ କରିଥିଲେ । ବେଲପଡା ବ୍ଳକ ରେ ଅନୁଷ୍ଠିତ ପ୍ରତିଷ୍ଠା ଦିବସରେ ବିଧାୟକ ପ୍ରତିନିଧି ଗଣେଶ କୁମ୍ଭାର , ବିଜେଡି ଯୁବ ସଭାପତି ଦୁର୍ଯ୍ୟୋଧନ କୁମ୍ଭାର, ମହେଶ୍ୱର ସାହୁ ,ନୁନହାଡ ସମିତି ସଭ୍ୟ ରବିନ୍ଦ୍ର ମେହେର , ଅରୁଣ ପାଣିଗ୍ରାହୀ , ବିଜେଡି ନାରୀନେତ୍ରୀ ସୁଜାତା ମିଶ୍ର ଥିବାବେଳେ ପାଟଣାଗଡ଼ରେ ସମିତି ସଭ୍ୟ ଲିଙ୍ଗରାଜ ନାଗ , ବିଧାୟକ ପ୍ରତିନିଧି ହିମାଞ୍ଚଳ ପ୍ରଧାନଙ୍କ ସମେତ ବହୁ ଦଳୀୟ ମହିଳା ପୁରୁଷ କର୍ମୀ ଯୋଗଦେଇଥିବା ଖପ୍ରାଖୋଲ ବ୍ଳକରେ ବିଧାୟକ ପ୍ରତିନିଧି ପଞ୍ଚୁଦେବ ସାହୁ, ନରେନ୍ଦ୍ର ଭୋଇ, ଗୋବିନ୍ଦ ବାରିକ , ଗୁଣନିଧି ରଥ, ସତ୍ୟନାରାୟଣ ମେହେରଙ୍କ ସମେତ ଅନ୍ୟ ସଦସ୍ୟ ମହିଳା ପୁରୁଷ ଯୋଗଦେଇଥିଲେ ।