ପାଟଣାଗଡ଼,୫/୯- ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ଭାନପୁର ପଞ୍ଚାୟତ କାର୍ଯ୍ୟାଳୟରେ ସରକାରଙ୍କ ମିଶନଶକ୍ତି ଆନ୍ୟୁକୂଲ୍ୟରେ ପେନସନ ଓ ବୀମାମେଳା ଅନୁଷ୍ଠିତ ହୋଇଯାଇଛି । ଅନୁଷ୍ଠିତ ପେନସନ ଓ ବୀମାମେଳା ଉତ୍ସବରେ ଭାନପୁର ସରପଞ୍ଚ ତ୍ରିନାଥ ବାରିକ ମୁଖ୍ୟଅତିଥି ଭାବେ ଯୋଗଦେଇଥିଲେ । ଏଥିରେ ଓଏଲଏମ ଓ ମିଶନ ଶକ୍ତି ବିଏଲସି ପ୍ରଶାନ୍ତ କୁମାର ନନ୍ଦ ଖପ୍ରାଖୋଲ ବ୍ଳକ, ଉତ୍କଳ ଗ୍ରାମ୍ୟ ବ୍ୟାଙ୍କ ଧଣ୍ଡାମୁଣ୍ଡା ଶାଖା ବ୍ୟାଙ୍କ ମିତ୍ର ଦଶମୀ ଗୁଣ୍ଡି ,କିସସ୍କୋ ବ୍ୟାଙ୍କ ପରିଚାଳକ ରାମକୃଷ୍ଣ ପୁଟେଲ ,ଇ ଶକ୍ତି ଼ସ୍ୱେଛାସେବୀ ଶିବା ପଟେଲ , ମାନସ କୁମାର ଭୋଇ ପ୍ରମୁଖ ଯୋଗଦେଇ ପେନସନ ଓ ବୀମା ଯୋଜନା ଉପକାରିତା ସଂପର୍କରେ ଅବଗତ କରିବା ସହ ସମସ୍ତେ କିପରି ବୀମାଭୁକ୍ତ ହୋଇପାରିବା ସେ ଉପରେ ବିଶଦ ଭାବରେ ପୁଙ୍ଖାନୁପୁଙ୍ଖ ବିବରଣୀ ପ୍ରଦାନ କରିଥିଲେ । ଏଥିରେ ପଞ୍ଚାୟତ ଅଧିନସ୍ଥ ଗ୍ରାମର ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ଯୋଗଦେଇଥିଲେ । ଜୟ ଜଗନ୍ନାଥ ସ୍ୱୟଂ ସହାୟକ ଗୋଷ୍ଠୀର ସଭାନେତ୍ରୀ ପଦ୍ମାବତୀ ମହାନନ୍ଦ , ସଂପାଦିକା ଉଜଲୀ କୁମ୍ଭାର , ଯମୁନା ସାହୁ ,ଦେବକୀ ବରିହାଙ୍କ ସମେତ ଶତାଧିକ ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ଉପସ୍ଥିତ ଥିବାବେଳେ ରାମକୃଷ୍ଣ ପଟେଲ ଧନ୍ୟବାଦ ଅର୍ପଣ କରିଥିଲେ ।