ପାଟଣାଗଡ଼,୬/୮- ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡା ବ୍ଲକରେ ଅସଲି ଚାଷୀ ମାନଙ୍କ ନାମରେ ନକଲି କୃଷିବୀମା କରି ଦୁଇ ପୁରୁଷ ସମେତ ଜଣେ ମହିଳାଙ୍କୁ ଗିରଫ କରିଛି ବେଲପଡ଼ା ପୋଲିସ । ଗିରଫ ମହିଳା ଜଣକ ନୂଆପଡ଼ାଜିଲ୍ଲା ସିନାପାଲି ଅଞ୍ଚଳର ହାତୀ ବନ୍ଧ ଗାଁର କୁନ୍ତଲା ମେହେର ଓ ବଙ୍ଗୋମୁଣ୍ଡା ଥାନା ବେଲପଡ଼ା ଗାଁର ପପୁ ମେହେର ଏବଂ ପଦ୍ମନାଭ ମେହେର ବୋଲି ବେଲପଡ଼ା ପୋଲିସ ସୂଚନା ଦେଇଛି । ଏମାନେ ବେଲପଡ଼ା ବ୍ଲକର ଅସଲି ଚାଷୀମାନଙ୍କ ଜମିକୁ ଚଞ୍ଚକତା କରି ସେମାନଙ୍କ ଜମିରେ ନିଜେ କୃଷିବୀମା କରୁଥିଲେ । ଏନେଇ ବେଲପଡ଼ା ,କାନୁଟ କାର୍ଲ ।ବାହାଲି ଗାଁର ଚାଷୀ ମାନେ ବାରମ୍ବାର ଅଭିଯୋଗ ପରେ ବେଲପଡ଼ା ପୋଲିସ ତତ୍ପରତା ହୋଇଥିଲା । କେସ ନଂ ୧୫୭/୨୧ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ବେଲପଡ଼ା ପୋଲିସ ସୂଚନା ଦେଇଛି ।