ପାଟଣାଗଡ଼,୬/୮- ମାଓବାଦୀଙ୍କୁ ସୁରକ୍ଷା ଦେଉଥିବା ଜଣାପଡିବା ପରେ ଖପ୍ରାଖୋଲ ଲାଠୋର ଥାନା ଜାଲବାହାଲ ଗାଁର ଦୁର୍ଯ୍ୟୋଧନ ବରିହା(୪୦)ଙ୍କୁ ପୋଲିସ ଗୁରୁବାର ଗିରଫ କରିଛି । ପୋଲିସ ପ୍ରଥମିକ ତଦନ୍ତରୁ ଜଣାପଡ଼ିଛି ଯେ ଦୁର୍ଯ୍ୟୋଧନ ବରଗଡ଼, ମହାସମୁନ୍ଧ ବଲାଙ୍ଗୀର(ବି ଏମ୍ ବି) ଡିଭିଜନ ମାଓ ସଂଗଠନ ସହ ସମ୍ପର୍କରଖି ୨୦୧୩ ମସିହାଠାରୁ ଚାଣ୍ଡଲ ବେଦ୍ଦେର ଏବଂ ଗନ୍ଧମାର୍ଦ୍ଦନ ପାହାଡ ଅଞ୍ଚଳରେ ମାଓବାଦୀ ମାନଙ୍କୁ ରାସନ ଆଶ୍ରୟସ୍ଥଳୀ ମେଡ଼ିସିନ୍ ସହାୟତାକରି ଆସୁଥିଲେ । ବି ଏମ୍ ବି ଡିଭିଜନ ର ମୁଖ୍ୟ ବିକାଶ ଓରଫ ସୁଦର୍ଶନକୁ ବିଭିନ୍ନ ସାମଗ୍ରୀ ଯୋଗାଇ ଦେଉଥିଲେ । ଏହା ସହିତ ୨୦୧୯ ରେ ତ୍ରିଲୋଚନ ତରିଆ ହତ୍ୟାକାଣ୍ଡ ସହ ଅନ୍ୟ ହିଂସାକାଣ୍ଡରେ ସମ୍ପୃକ୍ତ ଥିଲା । ଗୁଇନ୍ଦା ସୂଚନା ଆଧାରରେ ପାଟଣାଗଡ଼ ଲାଠୋର ପୋଲିସ ଚଢାଉ କରିଥିଲେ । ତାଙ୍କ ଘରେ ବହୁତ ବୁଲେଟ୍ ମାଓ ପୋଷ୍ଟର, ବ୍ୟାନର ଜବତ କରିଥିବା ପାଟଣାଗଡ ଏସ୍ ଡି ପିଓ ଜ୍ୟୋତିର୍ମୟୀ ଭୁକ୍ତା ସୂଚନା ଦେଇଛନ୍ତି । ତାଙ୍କୁ କୋର୍ଟଚାଲାଣ କରାଯାଇଛି ।