ପାଟଣାଗଡ: ବଲାଙ୍ଗୀର ବ୍ଲକ ଡଙ୍ଗା ଘାଟ ଠାରେ ମଲ୍ଲିକ ବଂଶ ଗୋଣ୍ଡଁ ସମାଜ ପକ୍ଷରୁ ଇଷ୍ଟ ଦେବତା ବୁଢାଦେଓଙ୍କ ପୈ ।ଷ ଯାତ୍ରା ପାଳନ କରିବା ପାଇଁ ଡଙ୍ଗା ଘାଟ ବଡଦେଓଙ୍କ ମନ୍ଦିର ପରିସରରେ ପ୍ରସ୍ତୁତ ବୈଠକ ଅନୁଷ୍ଠିତ ହୋଇଯାଇଛି । ମୁରଲି ମଲ୍ଲିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆସନ୍ତା ପୌଷମାସ ଶୁକ୍ଳ ପକ୍ଷ ଦଶମୀ ଦିନ ତା ୧୨.୧.୨୨ ବୁଧବାର ଦିନ ଡଙ୍ଗା ଘାଟ ବଡଦେଓଙ୍କ ପୀଠ ରେ ମହାସମାରୋହରେ ପାଳନ କରିବାପାଇଁ ନିଷ୍ପତି ନିଆଯାଇଥିଲା । ଏଥିରେ ରାହାସବିହାରୀ ମଲ୍ଲିକ,କାମରାଜ ମଲ୍ଲିକ, ଲଲିତ ମଲ୍ଲିକ,ଭିଷ୍ମ ମଲ୍ଲିକ, ଦିଲିପ ମଲ୍ଲିକ, ସୁରଥ ମଲ୍ଲିକ, ମହେନ୍ଦ୍ର ମଲ୍ଲିକ, କୁଶଧ୍ୱଜ ମଲିକଙ୍କ ସହ ଅନ୍ୟ ମାନେ ଉପସ୍ଥିତ ଥିଲେ । କୋଭିଡ କଟକଣା ନିୟମ ଅନୁସାରେ ପାଳନ କରାଯିବ ବୋଲି ଆଲୋଚନା କରାଯାଇଥିଲା । ଶୋଭାକର ମଲ୍ଲିକ ଧନ୍ୟବାଦ ଅର୍ପଣ କରିଥିଲେ ।