ପିପିଲି,୨୪/୪- କଂଗ୍ରେସ ଦଳ ତରଫରୁ ପିପିଲି ଉପନିର୍ବାଚନ ପାଇଁ କଂଗ୍ରେସ ଦଳ ତରଫରୁ ବିଶ୍ୱକେସନ ହରିଚନ୍ଦନ ମହାପାତ୍ରଙ୍କୁ ପ୍ରାର୍ଥୀଭାବେ ଘୋଷଣା କରିଛନ୍ତି ବିଧାୟକ ସୁରେଶ ରାଉତରାୟ । ଶ୍ରୀ ରାଉତରାୟ କହିଛନ୍ତି ସେ ଜଣେ ମେଧାବୀ ଛାତ୍ରସହ ଆଇନଜୀବୀ । ପୁରୀ ଜିଲ୍ଲା ସେବା ଦଳ ମୁଖ୍ୟ ଭାବେ କାର୍ଯ୍ୟ କରୁଛନ୍ତି । ତାଙ୍କ ବାପା ଆମ ଦଳର ଓ ସରପଂଚ ଥିଲେ । ଆମେ ଅଜିତ ମଙ୍ଗରାଜଙ୍କ ପତ୍ନୀଙ୍କୁ ପ୍ରାର୍ଥୀ କରିବାକୁ ଚାହୁଁଥିଲୁ । ସେ ହୋଇଥିଲେ ଭଲ ଅନୁକଂପା ଭୋଟ ପାଇଥାନ୍ତେ । ସେ ମନା କରିବାରୁ ଆମେ ପୂର୍ଣ୍ଣ ସ୍ୱାଇଁଙ୍କୁ କହିଲୁ । ହେଲେ ସେ ଖାପଛଡା ଦେଲେ । ହୁଏତ ଅଜିତଙ୍କ ପତ୍ନୀଙ୍କ ପରି ସେ ଭୋଟ ନପାଇପାରନ୍ତି । ଏହାପରେ ଆମେ ବିଶ୍ୱକେସନଙ୍କୁ ପ୍ରାର୍ଥୀକରିବାକୁ ସ୍ଥିରକଲୁ । ୨୬ ତାରିଖରେ ବିଶ୍ୱ ନାମାଙ୍କନ ପତ୍ର ଦାଖଲ କରିବେ । ଆମେ ନିର୍ବାଚନ କମିଶନଙ୍କ ନିୟମ ଅନୁସାରେ ପ୍ରଚାର କରିବୁ ବୋଲି କହିଛନ୍ତି ଶ୍ରୀ ରାଉତରାୟ ।