ପୁରୀ : ପୁରୀ ପିପିଲି ଟୋଲ ଗେଟ୍ରେ ଫାଙ୍କା ଗୁଳିମାଡ । ଗୁଳିମାଡ କରି ଫେରାର ମାରିଲେ ଦୁର୍ବୃତ୍ତ । ତେବେ ପୁରୀ ପୋଲିସ୍ ପକ୍ଷରୁ ବିଭିନ୍ନ ସ୍ଥାନ ରେ ଘନ ଘନ ଚଢ଼ାଉ ପରେ ୩ ଜଣ ଦୁର୍ବୃତ୍ତକୁ ପୁରୀ ପୋଲିସ୍ ଧରିବାରେ ସଫଳ ହୋଇଚି । ଆଉ ୨ ଜଣ ଫେରାର ହୋଇ ଯାଇଥିବା ବେଳେ ତାଙ୍କୁ ପୋଲିସ ଧରିବା ପାଇଁ ଚଢ଼ାଉ ଜାରି ରଖିଛି । ତେବେ ସୂଚନା ଅନୁଯାୟୀ ଆଜି ସକାଳ ୫ ଟା ବେଳେ ପୁରୀ ପିପିଲି ଟୋଲ ଗେଟ୍ ରେ କିଛି ଦୁର୍ବୃତ୍ତ ଟୋଲ ଗେଟ୍ କର୍ମଚାରୀଙ୍କ ସହ ଝଗଡା କରିଥିଲେ । ତେବେ ଟୋଲ ଫିକୁ ନେଇ ଏହି ଝଗଡ଼ା ହୋଇଥିବା ପୋଲିସ୍ କହୁଛି । ତେବେ ଗିରଫ ହୋଇଥିବା ଦୁର୍ବୃତ୍ତ କେଉଁ ଠାରୁ ଆସିଥିଲେ, କୁଆଡେ ଯାଉଥିଲେ, ବନ୍ଧୁକ ଆଣିଲେ କେଉଁଠୁ ସେ ନେଇ ତଦନ୍ତ ଚାଲିଥିବାରୁ ପୋଲିସ୍ ପକ୍ଷରୁ କିଛି ସ୍ପଷ୍ଟ କରାଯାଇନାହିଁ । କେବଳ ୩ ଜଣଙ୍କୁ ଏହି ଫାଙ୍କା ଗୁଳିମାଡ ଘଟଣାରେ ଗିରଫ କରାଯାଇଥିବା ପୁରୀ ଏସପି ସୂଚନା ଦେଇଛନ୍ତି । ତେବେ ପୁରୀ ଏସପିଙ୍କ କହିବା କଥା ଫାଙ୍କା ଗୁଳିଚାଳନା କରି ଦୁର୍ବୃତ୍ତ ମାନେ ଫେରାର ପରେ ପୋଲିସ ଖବର ପାଇ ବିଭିନ୍ନ ସ୍ଥାନ ରେ ନାକା ଲଗାଇଥିଲା । ତେବେ ପୁରୀ ସଦର ଥାନା ପୋଲିସ ପେଟ୍ରୋଲିଂ ବଳେ ଦୁର୍ବୃତ୍ତଙ୍କ ସହ ମୁହଁ ମୁଁହି ହୋଇଥିଲେ । ଦୁର୍ବୃର୍ତ୍ତମାନେ ପୋଲିସକୁ ଚକମା ଦେଖାଇ କୋଣାର୍କ ପରେ ନିମାପଡ଼ା ପଳାଇ ଥିଲେ । ପରେ ପୋଲିସ ହାତରୁ ଖସିଯିବା ପାଇଁ କାରକୁ ରଖି ଫେରାର ନେବା ପାଇ ନିମାପଡ଼ା ଅରିଷଣ୍ଢ ନିକଟରେ ଏକ ଗ୍ରାମ ଜଙ୍ଗଲରେ ଲୁଚି ଯାଇଥିଲେ । ହେଲେ ପୋଲିସ ଦୁର୍ବୃତ୍ତଙ୍କୁ କାବୁ କରିବାରେ ସଫଳ ହେଇଥିଲା ।