ଫୁଲବାଣୀ,୧୪/୧୧- କନ୍ଧମାଳ ଜିଲ୍ଲାର ଜଣାଶୁଣା ଘରେ ଘରେ ପରିଚିତ ନୃତ୍ୟଗୁରୁ ବିନୋଦ ସାହୁଙ୍କ ନଟରାଜ କଳା ମନ୍ଦିରରେ ସ୍ୱର୍ଗତ ପଣ୍ଡିତ ଜବାହରଲାଲ ନେହେରୁଙ୍କ ଜନ୍ମ ତିଥିରେ କୁନିକୁନି ଶିଶୁଙ୍କ ଗହଣରେ ଶିଶୁ ଦିବସ ପାଳିତ ହୋଇଯାଇଛି । ଅନୁଷ୍ଠାନର ନୃତ୍ୟ ଶିକ୍ଷକ ବିନୋଦ ଚନ୍ଦ୍ର ସାହୁ ଓ ଚିତ୍ର ଶିକ୍ଷୟିତ୍ରୀ ସ୍ୱର୍ଣ୍ଣଲକ୍ଷ୍ମୀ ଆଚାର୍ଯ୍ୟ, ପଣ୍ଡିତ ଜୱାହରଲାଲ ନେହରୁଙ୍କ ଫଟୋ ଚିତ୍ରରେ ଦୀପ ପ୍ରଜ୍ଜ୍ୱଳନ କରିବା ସହ ପିଲାଙ୍କୁ ଏହି ଦିବସର ମହତ୍ତ୍ୱ ବର୍ଣ୍ଣନା କରିଥିଲେ । ପରେ ପିଲାଙ୍କୁ ଉପହାର ଓ ମିଷ୍ଟାନ୍ନ ବଣ୍ଟନ କରିଥିଲେ ।