ଫୁଲବାଣୀ,୨୯/୫ :- ଗୋଛାପଡା ପୋଲିସକୁ ମିଳିଛି ବଡ଼ ସଫଳତା । କନ୍ଧମାଳ ଏସପି ଶୁଭେନ୍ଦୁ କୁମାର ପାତ୍ରଙ୍କ ନିର୍ଦ୍ଦେଶକ୍ରମେ ଗୋଛାପଡା ଥାନା ଅଧିକାରୀ ରଂଜିତ କୁମାର ମୁନିଙ୍କ ନେତୃତ୍ୱରେ ପୋଲିସ ଟିମ ୨୪ ଘଣ୍ଟା ମଧ୍ୟରେ ଦୁଇଟି ସ୍ଥାନରେ ଚଢ଼ାଉ କରି ଅଢେଇ କୁଇଣ୍ଟାଲରୁ ଉର୍ଦ୍ଧ୍ୱ ଗଂଜେଇ ଜବତ କରିଛି । ଗୋଛାପଡା ଥାନା ଅନ୍ତର୍ଗତ କଟ୍ରିଙ୍ଗିଆ ପଞ୍ଚାୟତର କତାକେରି ସ୍କୁଲ ନିକଟ ରାସ୍ତାକଡରେ ରଖି ଚାଲାଣ କରିବାକୁ ଉଦ୍ୟମ କରିବାବେଳେ ପୋଲିସ ଟିମ ଚଢଉ କରି ୨ କୁଇଣ୍ଟାଲ ୫ ୬ କେଜି ଗଂଜେଇ ଜବତ କରିଛି । ଏ ନେଇପୋଲିସ ୬୯/୨୩ ରେ ମାମଲା ରୁଜୁ କରିଥିବା ଥାନା ଅଧିକାରୀ ରଂଜିତ କୁମାର ମୁନି କହିଛନ୍ତି । ତେବେ ଏହି ଘଟଣାରେ ପୋଲିସ ବୌଦ୍ଧ ଅଂଚଳର ଜୀବର୍ଦ୍ଧନ ମୁଖି ଓ ରାଜେନ୍ଦ୍ର ବିଶିକୁ ଗିରଫକରି କୋର୍ଟ ଚାଲାଣ କରିଥିବା ଥାନା ଅଧିକାରୀ କହିଛନ୍ତି ।