ଫୁଲବାଣୀ,୧୯/୯:-କନ୍ଧମାଳ ଜ଼ିଲ୍ଲା ଟିକାବାଲି ବ୍ଲକ ଭୋଇସାହି ଗ୍ରାମର ସ୍ୱର୍ଗତ ବରୁଣ ଭୋଇ ଆଜି ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କ ଦେହାନ୍ତ ଅଞ୍ଚଳକୁ ସ୍ତବ୍ଧ କରିଦେଇଛି । ଏହିପରି ମହାନ ବ୍ୟକ୍ତିଙ୍କୁ ଆଜି ଟିକାବାଲି ହରେଇଦେଇଛି । ଟିକାବାଲି ସମେତ କନ୍ଧମାଳ ଜ଼ିଲ୍ଲାରେ ରାଜନୀତି କ୍ଷେତ୍ରରେ ସରଗରମ ସୃଷ୍ଟି କରିବାରେ ଏବଂ ରାଜନୀତି ବିଷୟରେ ଜନସାଧାରଣଙ୍କୁ ଅବଗତ କରିବାରେ ପ୍ରମୁଖ ଭୁମିକାଥିଲା ବରୁଣ ଭୋଇଙ୍କର । ଲୋକଙ୍କର ଯେ କୌଣସି ସମସ୍ୟା ସମାଧାନ ନେଇ ସର୍ବଦା ତତ୍ପର ଥିବା ଭୋଇ ଏକ ମହାନ ବ୍ୟକ୍ତି ନିଶ୍ଚିତ । ଦୀର୍ଘ ସମୟ ଶଯ୍ୟାଶାୟୀ ପରେ ଆଜି ତାଙ୍କର ଶେଷ ନିଶ୍ୱାସ ଟିକାବାଲି ଅଞ୍ଚଳକୁ ସ୍ତବ୍ଧ କରିଦେଇଛି । ତାଙ୍କ ଦେହାନ୍ତକୁ ସମ୍ମାନପୂର୍ବକ ଆଜି ଟିକାବାଲି ବଜାର ବନ୍ଦ ହୋଇଛି । ଟିକାବାଲି ଗ୍ରାମରେ ଜନ୍ମ ନେଇ ସମଗ୍ର ଅଞ୍ଚଳ, ଜିଲ୍ଲା ଏବଂ ରାଜ୍ୟ ନିମନ୍ତେ ଗର୍ବ ଓ ଗୌରବ, ନିଜେ ଜଣେ ଦକ୍ଷ ନେତା ସହ ସମାଜସେବୀ ହୋଇ ଯେକି ନିଜ ପରିବାର ଓ ସମ୍ପର୍କୀୟଙ୍କୁ ବାଦଦେଇ ସମାଜ ଏବଂ ଅଞ୍ଚଳର ଗରିବ ଲୋକଙ୍କ ପାଇଁ ସର୍ବଦା ନିଜକୁ ଉତ୍ସର୍ଗୀତ କରିଦେଇଥିଲେ । ଆଜି ତାଙ୍କ ମୃତ୍ୟୁର ଖବର ସମଗ୍ର ଅଞ୍ଚଳରେ ଶୋକର ଛାୟା ଖେଳାଇ ଦେଇଛି ।