ଫୁଲବାଣୀ, ୬/୭- ଆଜି ଫୁଲବାଣୀ ବିଲାବାଡି ପଞ୍ଚାୟତର କାକେନ୍ଦ୍ରୀ ଗ୍ରାମରେ ୭୧ ତମ ବନ ମହୋତ୍ସବ ପାଳନ ହୋଇଛି । ଏହି ଉତ୍ସବରେ ଖଜୁରୀପଡ଼ା ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ ବିରେନ୍ଦ୍ର କହଁର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଅନ୍ୟତମ ଅତିଥି ଭାବରେ ସୁଡ୍ରୁକୁମ୍ପା ରେଞ୍ଜର ଶିଶିର କୁମାର ଝାଙ୍କର, ବିଲାବାଡି ସରପଞ୍ଚ ଅନ୍ନପୂର୍ଣ୍ଣା ନାୟକ, ସମାଜସେବୀ ରକ୍ତ ପ୍ରୋତ୍ସାହନକାରୀ ସୁକାନ୍ତ କୁମାର ବେହେରା, ସୁଡ୍ରୁକୁମ୍ପା ରାଜସ୍ୱ ନୀରିକ୍ଷକ ଶ୍ରୀ ସୁନୀଲ କୁମାର ଦିଗାଲ ଯୋଗଦେଇ ପ୍ରଥମେ ସାମାଜିକ ଦୂରତା ରକ୍ଷାକରି ଅତିଥିମାନେ ସମସ୍ତଙ୍କୁ ମାସ୍କ ବାଣ୍ଟିଥିଲେ । ପରେ ମାଟି ମା’କୁ ପୂଜା କରି ମୁଖ୍ୟ ଅତିଥି ନଡ଼ିଆ ଭାଙ୍ଗି ଥିଲେ । କରୋନା ମହାମାରୀ ବିଷୟରେ ସଚେତନତା କରାଯିବା ପରେ ଶ୍ରୀଯୁକ୍ତ କହଁର ବୃକ୍ଷରୋପଣ କାର୍ଯ୍ୟ ଆରମ୍ଭ କରିଥିଲେ । ପରେ ପରେ ସମସ୍ତେ ଗୋଟିଏ ଲେଖାଏଁ ଗଛ ଲଗାଇଥିଲେ । ଏହି କାର୍ଯ୍ୟକ୍ରମ କୁ ବାନାରଦେଇ ଫରେଷ୍ଟର ଅଜିତ୍ କୁମାର ସାହାଣୀ, ମହେନ୍ଦ୍ର କୁମାର ବିଶ୍ୱାଳ,ରଞିତ କୁମାର ଆପଟ, ପରିଚାଳନା କରିଥିବାବେଳେ ରୀତାରିଣୀ ବେହେରା ଫରେଷ୍ଟଗାର୍ଡଙ୍କ ସମେତ ଅନ୍ୟମାନେ ସହଯୋଗ କରିଥିଲେ ।