ଫୁଲବାଣୀ,୨୯/୧୦- ବୀର ସହିଦ ମାନଙ୍କ ସ୍ମୃତିଚାରଣ ଉଦ୍ଦେଶ୍ୟରେ ଜିଲ୍ଲା ପୋଲିସ କନ୍ଧମାଳ ଫୁଲବାଣୀ ପକ୍ଷରୁ ଆଜି ଫୁଲବାଣୀ ସହରର ମାଦିକୁନ୍ଦା ଛକ ,କୋର୍ଟ ଛକ , ଗୋପବନ୍ଧୁଛକ, ଫୁଲବାଣୀ ମୁଖ୍ୟ ବଜାର ଠାରେ ପୋଲିସ ବ୍ୟାଣ୍ଡ ପାର୍ଟି ଦ୍ୱାରା କନ୍ଧମାଳ ଏସ ପି ଭିନିତ ଅଗ୍ରୱାଲଙ୍କର ନେତ୍ତୃତ୍ୱରେ ବାଦ୍ୟ ଶ୍ରଦ୍ଧାଞ୍ଜଳି ପ୍ରଦାନ କରାଯାଇଥିଲା । ଉକ୍ତ ବାଦ୍ୟ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମରେ ଏସ ପି ଶ୍ରୀ ଅଗ୍ରୱାଲଙ୍କ ସହ ଅତିରିକ୍ତ ଏସ ପି ବିପିନି ବିହାରୀ ବେହେରା, ପୋଲିସ ରିଜର୍ଭ ଇନିସପେକ୍ଟର ଧର୍ମେନ୍ଦ୍ର ପ୍ରଧାନ, ସରଜେଣ୍ଟ ସରୋଜ ବେହେରା, ଆଦର୍ଶ ଫୁଲବାଣୀ ଟାଉନଥାନା ଅଧିକାରୀ ସୁଶାନ୍ତ କୁମାର ସେଠୀ ଏବଂ ସମସ୍ତ ପୋଲିସ କର୍ମଚାରୀ ଉପସ୍ଥିତ ରହି ସହିଦ ମାନଙ୍କୁ ରାଷ୍ଟ୍ରୀୟ ସଲାମୀ ପ୍ରଦାନ କରି ମାଓବାଦୀଙ୍କର ଲ୍ୟାଣ୍ଡ ମାଇନ୍ସ ବିସ୍ଫୋରଣରେ ସହିଦ ହୋଇଥିବା ନାରେଙ୍ଗା ମଲ୍ଲିକ, ସଂଗ୍ରାମ ଲେଙ୍କା, ସୁନାଶିର ମହାନ୍ତି, ଏବଂ କୋରନା ଯୋଦ୍ଧା ଭାବେ ସହିଦ ହୋଇଥିବା ମହାଜନ ପ୍ରଧାନ, ସୁବାସ ଚନ୍ଦ୍ର ସାହୁ, ଉନେସ କୁମାର ନାୟକ,ବାଳି କଁହର ପ୍ରମୁଖ ସହିଦଙ୍କ ଉଦ୍ଦେଶ୍ୟରେ ପୋଲିସ ଅଧିକାରୀମାନେ ବୀର ସହିଦ ମାନଙ୍କର ସ୍ମୃତି ଉଦ୍ଦେଶ୍ୟରେ ତୈଳ ଫୋଟଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହ ବାଦ୍ୟଯନ୍ତ୍ର ଦ୍ୱାରା ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ ।