ଫୁଲବାଣୀ,୧୫/୧- ସ୍ୱାମୀ ବିବେକାନନ୍ଦଙ୍କ ଜନ୍ମଦିନ ପାଳନ ଅବସରରେ ଦେଶରେ ଜାତୀୟ ଯୁବ ସପ୍ତାହ ପାଳନ କରାଯାଉଛି । ଏହି ଅବସରରେ ଫୁଲବାଣୀ ନେହେରୁ ଯୁବକେନ୍ଦ୍ର୍ର ପକ୍ଷରୁ ବିଭିନ୍ନ କାର୍ଯ୍ୟକ୍ରମମାନ ଅନୁଷ୍ଠିତ ହେଉଛି । ଏହି ଅବସରରେ ନେହେରୁ ଯୁବକେନ୍ଦ୍ରର କର୍ମଚାରୀ ସତ୍ୟବାନ ଦଳବେହେରାଙ୍କ ପରିଚାଳନାରେ ଫୁଲବାଣୀ ରକ୍ତ ଭଣ୍ଡାର ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଯାଇଛି । ଶିବିରରେ ଫୁଲବାଣୀ ରକ୍ତ ଭଣ୍ଡାର ଅଧିକାରୀ ଡ. ଜୟଦୀପ କୁମାର ଘୋଷ ଏବଂ ଫୁଲବାଣୀ ରକ୍ତଦାନ ସିମିତିର ସହସମ୍ପାଦକ ତଥା ବିଶିଷ୍ଠ ରକ୍ତଦାତା ପ୍ରମୁଖ ଯୋଗଦେଇ ରକ୍ତଦାତା ମାନଙ୍କୁ ପ୍ରୋତ୍ସାହିତ କରିଥିଲେ । ଏହି ଶିବିରରେ ନେହେରୁ ଯୁବକେନ୍ଦ୍ରର କର୍ମକର୍ତ୍ତା ସତ୍ୟବାନ ଦଳବେହେରା ଏବଂ ବିଶ୍ୱରଞ୍ଜନ ସାମନ୍ତରାୟ, କାହ୍ନା ପଟ୍ଟନାୟକଙ୍କ ସମେତ ଅନୁଷ୍ଠାନର ସ୍ୱେଚ୍ଛାସେବୀମାନେ ରକ୍ତଦାନ କରିଥିଲେ ।