ଫୁଲବାଣୀ,୨୯/୬-ଫୁଲବାଣୀ ସ୍ଥିତ କୋମଲଗାନ୍ଧାର କଳା ଓ ସଂସ୍କୃତି ଅନୁଷ୍ଠାନ ତରଫରୁ କଳା ଜଗତରୁ ବିଦାୟ ନେଇଥିବା କଣ୍ଠଶିଳ୍ପୀ ତପୁ ମିଶ୍ରଙ୍କୁ ଶ୍ରଦ୍ଧାଞ୍ଜଳି ଦେବା ସହ ଅମରେନ୍ଦ୍ର ମହାନ୍ତି ଏବଂ ଶାନ୍ତିରାଜ ଖୋସଲାଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଦିଆଯାଇଥିଲା । ଅନୁଷ୍ଠାନର ଗୁରୁ ରାଜେନ୍ଦ୍ର ବେହେରାଙ୍କ ନିର୍ଦ୍ଦେଶ କ୍ରମେ ଭରଚୁଆଲ ସଭାର ଆୟୋଜନ କରାଯାଇଥିଲା ।ସଭାପତି ଗୋପୀନାଥ ରାଉତ ସଭା ପରିଚାଳନା କରିଥିଲେ । ବିଶିଷ୍ଠ କଣ୍ଠଶିଳ୍ପୀ ପ୍ରାଣକୃଷ୍ଣ ମହାରଣା, ମାନସ କୁମାର ସିଂହ , ରମାକାନ୍ତ ଦିଗାଲ, ରମାକାନ୍ତ ମାଝୀ ଏବଂ ବିପିନ ସାହୁଙ୍କ ସହ ଅନୁଷ୍ଠାନର ଛାତ୍ରଛାତ୍ରୀ ଉପସ୍ଥିତ ଥିଲେ । ଶେଷରେ ସଂପାଦକ ତଥା କଣ୍ଠଶିଳ୍ପୀ ଅସିତ୍ ନନ୍ଦ କଳାକାରଙ୍କ ଦୁଃଖ ବୁଝିବାକୁ ସରକାରଙ୍କ ପାଖରେ ଦାବି ରଖିଥିଲେ । ସମ୍ପାଦକଙ୍କ ଦ୍ୱାରା ସଭା ସମାପ୍ତ କରାଯାଇଥିଲା ।